Бүлүү олохтооҕо кыыһы кырбаата

Бүлүү улууһугар Ритм-Клуб диэн кафе-барга итирик туруктаах эр киһи туох да биричиинэтэ суох аттыгар турар кыыһы охсон муннун тоһуппут. Бу туһунан Бүлүү улууһун оройуоннааҕы суутун сайтыгар суруллубут. 

Арассыыйа Федерациятын холуобунай кодексатын 112 ыст. 2 ч «д» п. киһи доруобуйатын эмсэҕэлэтии иһин дьыала тэриллибит, эр киһи оҥорбут буруйун иһин биэс сылга хаайыыга барар кутталламмыт. Суут кэмигэр эмсэҕэлээбит өрүт икки өрүт эйэлэспитин түмүгүнэн дьыаланы тохтотор туһунан хадатаайыстабалаабыт. Ону сэргэ буруйданааччы кыыска 30 тыһ. солк. харчы төлөөбүт. Бүлүү улууһун оройуоннааҕы суута холуобунай дьыаланы тохтотор туһунан уураахтаата.