Бүлүү олохтооҕо өрүскэ киһи тимирэн өлбүтүнэн буруйданна

Бүлүү оройуонун суутугар Бүлүү олохтооҕо киһи өлүүлээх уу тырааныспарыгар куттала суох буолуу быраабылатын кэһии иһин буруйдааҕынан ааҕылынна.

Суут быһаарыытынан, 2024 сыл от ыйыгар уу тырааныспарын салайыыга бырааба суох Бүлүү олохтооҕо «Крым» мотуорканан Бүлүү өрүскэ Кыһыл Сыыр бөһүөлэк аттыгар үс пассажирдаах бэрэбинэҕэ кэтиллэн түҥнэстибит. Түмүгэр олорон испит дьон бары ууга түспүттэр, биир киһи тимирбит.

Суут судаарыстыбаннай буруйданааччы ирдэбилин учуоттаан, буруйдааҕынан билиннэ уонна 3 сылга усулуобунай болдьохтоох 3 сылга көҥүлүн быһарга уурахтаата. Бириигэбэр сокуоннай күүһүгэр киирэ илик. Бу туһунан Илин-Сибиирдээҕи Тырааныспар борокуратууратын пресс-сулууспата суруйар.