Салгыы
Бүлүү оскуолаларыгар байыаннай сулууспалаахтар оҕолоро итии аһылыгынан толору хааччыллыбыттар

Бүлүү оскуолаларыгар байыаннай сулууспалаахтар оҕолоро итии аһылыгынан толору хааччыллыбыттар

Ааптар:
30.10.2022, 11:39
Бөлөххө киир:

Бүлүү куоракка Сэбиэскэй Сойуус дьоруойа Николай Степанов аатынан 3 №-дээх оскуолаҕа байыаннай сулууспалаахтар оҕолоро босхо итии аһылыгынан толору хааччыллаллар. Ону бу күннэргэ СӨ Бырабыыталыстыбатын бэрэссэдээтэлин солбуйааччы Сергей Местников Бүлүүгэ оробуочай сырыытын кэмигэр миэстэтигэр бэрэбиэркэлээтэ. 

Санатар буоллахха, Ил Дархан Айсен Николаев ыйааҕынан бары муниципальнай уонна судаарыстыбаннай үөрэх тэрилтэлэригэр  быстах хомуурга ыҥырыллыбыттар уонна баҕа өттүнэн барбыттар оҕолоро  босхо итии аһылыгынан хааччыллыахтаахтар.  «Улууска тустаах тэрээһин этэҥҥэ тэрийиллибит. Үөрэнээччилэри сөптөөх аһылыгынан-үөлүнэн хааччыйбыттар. Оҕолор олус минньигэс астаахтар дииллэр», — диэн Сергей Местников эттэ.
Бүлүүтээҕи 3 № оскуола  дириэктэрэ  Гавриил Иннокентьев иһитиннэрбитинэн, бүгүҥҥү туругунан байыаннай чаастарга сулууспалыы сылдьар аҕалаах  17 оҕо үөрэнэр эбит. Оскуола барыта 675 үөрэнээччилэээх.
СӨ Бырабыыталыстыбатын бэрэссэдээтэлин солбуйааччы Сергей Местников «Үөрэхтээһин» национальнай бырайыагы олоххо киллэрии хайдах-туох бара турарын билистэ. 2020 сыллаахха «Точка роста» диэн цифровой уонна гуманитарнай үөрэхтээһин киинэ тэриллибитэ. 2021 сыллаахха Бүлүүгэ хоккейдыыр корт үлэҕэ киирбитэ. Ону тэҥэ, Бырабыылалыстыба бэрэссэдээтэлин солбуйааччы Сэбиэскэй Сойуус дьоруойа Николай Саввич Степановка аналлаах мусуойга сырытта. Муусука лабораториятын уонна «Спарта» спортивнай кулууп  үлэлэрин кытары билистэ.  Төрөппүттэр уонна кэлэктиип туруорсууларынан оскуолаҕа хапытаалынай өрөмүөнү ыытыы  үөрэх систиэмэтин саҥардар аналлаах федеральнай бырагыраамаҕа киирэрэ көрүллүөҕэ.  Бүлүүтээҕи 3 №-дээх оскуола 520 миэстэлээх уонна 1987 сыллааҕы тутуу буолар.
+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
20 июля
  • 18°C
  • Ощущается: 18°Влажность: 68% Скорость ветра: 2 м/с

Сообщить об опечатке

Текст, который будет отправлен нашим редакторам: