«Бүлүү» суолугар икки киһи өлүүлээх быһылаан таҕыста

Бүлүү оройуонун борокуратуурата «Бүлүү» Упрдор ФКУ Бүлүүтээҕи филиалын үлэһиттэрэ өлбүттэринэн бэрэбиэркэ ыытта. Бу туһунан СӨ Борокуратуурата иһитиннэрдэ.

Барыллааһын быһыытынан муус устар 16 күнүгэр «Бүлүү» федеральнай суол 586 км  паардаах установка   алдьанан (разгерметизация емкости паровой установки) «Бүлүү»  упрдор Бүлүүтээҕи филиалын икки үлэһитэ өлбүт.

Быһылаан тахсыбыт сиригэр Бүлүү оройуонун борокуруора Антон Масин сырытта.

Билигин туһааннаах быһылаанынан бэрэбиэркэ ыытыллар.