«Бүлүү» суолугар киһи эчэйиилээх суол быһылаана таҕыста

Бүгүн, бэс ыйын  27 күнүгэр, сарсыарда  8 ч. Горнай улууһун дьуһуурунай чааһыгар «Бүлүү» федеральнай суолга дьон эчэйиилээх суол быһылаана тахсыбытын туһунан иһитиннэрии киирбит.

Тута  Госавтоинспекция  Горнай улууһунааҕы салаатын үлэһиттэрэ тиийбиттэр. Барыллааһын быһыытынан  «Бүлүү» федеральнай суол 106 км 1962 с.т. киһи   «Сузуки Гранд Витара» массыынанан Дьокуускай диэки айаннаан иһэн, илин  көлүөһэтин бассыыбынньыга тохтон   (техническая неисправность в виде ступичного подшипника переднего колеса) уруулун кыайан туппакка,  «Тойота Хайлюкс Сурф» массыынаҕа кэлэн түспүт.
Ол түмүгэр  Тойота пассажира —  2004 с.т. кыыс эчэйиини ылан  балыыһаҕа киирбит.
«Сурф» биир пассажира мэдиссинискэй көмөнөн туһаммыт. Массыына суоппардара эчэйиини ылбатахтар.

Билигин туһааннаах суол быһылаанынан бэрэбиэркэ ыытыллар.