Бүлүү суолугар саахалга эчэйбит дьон туруктара хайдаҕый?

Олунньу 26 күнүгэр Бүлүүлүүр суолга дьону таһар микрооптуобустар харсыһыыларыгар биир массыына умайбыта, 8 киһи араас таһымнаах эчэйиилэри ылбыта. Үс киһи туруга ыарахан, өссө үс киһини Дьокуускайга санавиациянан илтилэр диэн доруобуйа харыстабылын министиэристибэтин пресс-сулууспата иһитиннэрэр.
Быраастар үс киһини доруобуйаларын туругун чинчийэн баран, арыый ама буолбуттарын кэнниттэн, киин куоракка санавиациянан ыытар туһунан быһаарбыттара.
Олунньу 27 күнүнээҕи туругунан, үс киһи Горнайдааҕы киин балыыһаҕа сытар. Икки киһи хирургия отделениетыгар орто ыарахан туруктаах, үһүс киһи – интенсивнэй терапия балаататыгар анестезиолог-реаниматолог быраас көрүүтүгэр-истиитигэр ыарахан туруктаах сыталлар.
Икки киһи амбулаторияҕа таһыттан сылдьан, эмтэнэллэр диэн СИА иһитиннэрэр.
Сообщить об опечатке
Текст, который будет отправлен нашим редакторам: