Бүлүү Тааһаҕарыгар Улуу Кыайыыны үҥкүүнэн уруйдаатылар

Бу күннэргэ Бүлүү улууһун Тааһаҕар нэһилиэгэр Улуу Кыайыы 80 сылыгар, Арассыыйаҕа Аҕа дойдуну көмүскээччи, Саха Өрөспүүбүлүкэтигэр Ийэ дойдуну көмүскээччи сылларыгар аналлаах улахан дьоҥҥо “Кыайыыны түстүүр үҥкүүлэр” диэн  аһаҕас үҥкүү күрэҕэ буолан ааста.

Бу туһунан  “Эйгэ” норуот айымньытын дьиэтин уус-уран салайааччыта Гульнара Алексеева маннык сырдатта:

— Үҥкүү нөҥүө Улуу Кыайыыны уруйдаан, олохтоох норуот айымньытын дьиэтин иһинэн үлэлиир ансаамбыллар талба талааннара арыллар араас иэйиилээх үҥкүүлэри  туруоран күрэстэстилэр.  

Үҥкүү кэрэ абылаҥын түһүлгэтин СӨ култууратын уонна үөрэҕириитин  туйгуна, “Айылгы” народнай үҥкүү ансамбылын салайааччыта Валерий Томскай  салайааччылаах дьоһуннаах дьүүллүүр сүбэ көрдө, ырытта, кыайыылаахтары быһаарда.

“Кыайыыны түстүүр үҥкүүлэр” диэн  аһаҕас үҥкүү күрэһигэр Кылаан Чыпчаал үрдүк аатын “Дугуйук” ансаамбыл   “Боль матерей” үҥкүүнэн ылла. Хореограф  —  Тааһаҕар нэһилиэгин олохтооҕо Мария Васильева.

18-50 сааһыгар диэри саастаах үҥкүүһүттэргэ кыайдылар:

I Үрдэл  — Туйаарыма” ансаамбыл. Алексей Афанасьевич  Миронов аатынан Мастаах орто оскуолата. “Журавли”үҥкүү — хореограф Наталья Яковлева, Тоҕус нэһилиэгэ.

II Үрдэл —  А.И. Леонтьев аатынан Лөкөчөөн орто оскуолатын  “Түмэн”ансаамбыла. “Смуглянка” үҥкүү — салайааччы Мария Малышева, Лөкөчөөн нэһилиэгэ.

III Үрдэл  -“Сайдыына” ансаамбыл. “Синий платочек” үҥкүү —  хореограф Мария Васильева, Тааһаҕар нэһилиэгэ.

50 сааһыттан үөһэ үҥкүүһүттэргэ кыайдылар:

I Үрдэл — “Күбэйэ”эбээлэр түмсүүлэрин  “Верните память” үҥкүүлэрэ — салайааччы Акулина Поскачина, хореограф Мария Васильева.

II Үрдэл — “Чэбдигирдии” бөлөҕүн “Өрөгөй үҥкүүтэ” үҥкүүтэ — салайааччы Вера Васильева, хореограф Яков Уваровскай, Арыылаах нэһилиэгэ.

“Бастыҥ салайааччы” анал аат — Мария Малышева. А.И. Леонтьев аатынан Лөкөчөөн орто оскуолатын  “Түмэн” ансаамбылын салайааччыта.

“Сааһы билиммэт кэрэ абылаҥ” анал аат —   “Күбэйэ” эбээлэр түмсүүлэрэ. Салайааччы Акулина Поскачина, хореограф Мария Васильева.

Үҥкүү ханнык баҕарар норуот өлбөт-сүппэт, симэлийбэт баай култууратын биир кэрэ, хатыламмат көрүҥэ. Саас ортолоох, аҕам саастаах кэрэ аҥардар үҥкүүгэ  тардыһыылара  тэнийдэ, араас хайысха­лаах үҥкүү бөлөхтөрө сир-сир аайы тэриллэ тураллар. Бу олус кэрэхсэбиллээх. Инникитин да дьоһун түһүлгэлэр тэриллэн, араас таһымнаах тэрээһиннэр  бу араҥаҕа үҥкүүнү сөргүтэргэ, сайыннарарга кыах биэрдиннэр. Бу курдук тэтимҥитин ыһыктымаҥ, мэлдьи үлэ үөһүгэр, эдэрдии эрчимнээхтик сылдьыҥ. Өссө да киһини абылыыр үҥкүүлэр айылла турдуннар!