Хаартыска: М.З.Андреева тус архыыбыттан.
Уйулҕа нэдиэлэтин чэрчитинэн Бүлүү улууһун Н.Н.Каратаев аатынан Тааһаҕар орто оскуолатыгар педагог-психолог Андреева Мария Захаровна араас тэрээһиннэри тэрийэн ыыппытыттан биир ордук чаҕылхайдарынан алын сүһүөх оҕолоругар “Суолдьут” диэн доҕордуу, хамаанданан түмсүүлээх буолалларыгар, саҥаны билэргэ-көрөргө дьулуһалларыгар сатаан сөптөөхтүк ыйытарга уонна хоруйу ыларга, оскуола иһигэр үтүө сыһыаннаах буолууга туһаайыллыбыт оонньуу ыытылынна.
Оонньуу хамаанданан ыытыллыбыт буолан, үөрэнээччилэр бэйэ-бэйэлэрин кытта чугастык билистилэр. Тэрээһин кэмигэр элбэх саҥаны, туһалааҕы биллилэр, оскуола үлэһиттэриттэн ыйытыыларыгар хоруйдары истэн соһуйдулар. Үөрэнээччилэр сорудаҕы толорон хоруйдары кэмигэр аҕаллылар уонна үтүө, сырдык өйдөбүлү иҥэриннилэр.
Манна оҕолор алта бөлөххө арахсан бириэмэҕэ сорудахтары толордулар. Ол түмүгүнэн 3 миэстэни быһаардылар уонна атын бөлөхтөргө туоһу суруктары үөрүүлээх линиэйкэҕэ туттардылар.
Алта хамаандаттан үс кыайыылаах быһаарылынна: 1 миэстэ — Эрхан Андреев хамаандата, 2 миэстэ — Кира Куланова хамаандата, 3 миэстэ – Олег Григорьев хамаандата. Диана Баишева, Алексей Коновалов уонна Эрсан Григорьев хамаандалара оонньууга көхтөөхтүк кыттыбыттарын иһин сэртипикээт туттулар.
Мииринэй куорат 60 саастаах олохтооҕо түөрт киһини өлөрөн сууттанна. Бу туһунан СӨ Борокуратуурата иһитиннэрэр. 2023…
Хомсомуол үгүс көлүөнэ ыччакка эдэр саастарын аргыһа буолан, сыллар аастахтарын аайы күндүтүйэн иһэр өйдөбүл. …
— Оҕом Казахстаҥҥа төлөбүрдээх үөрэххэ киирбитэ. Онно нолуок вычетын хайдах төннөрүөххэ сөбүй? Төрөппүт ыйытыытыгар Арассыыйа ФНС…
Сэтинньи 6 күнүгэр үлэ бэтэрээнэ, СӨ култууратын үтүөлээх үлэһитэ, Тыл билимин хандьыдаата, Арассыыйа Бэдэрээссийэтин Билимин…
Норуоттар сомоҕолоһууларын күнүн көрсө, сэтинньи 2 күнүгэр “Арассыыйа – мин устуоруйам” түмэлгэ “Этнография улахан дьыктааныгар”…
Быйылгы кыстыкка Мэҥэ Хаҥалас улууһун “Тарат” кэпэрэтиибэ 64 тиҥэһэни атын хаһаайыстыбалартан атыыласта. Ол курдук, Бүлүүттэн…