Бүлүү улууһугар аракыата тобоҕун тиэйэр-таһар  үлэ ыытыллар

Саха сирин быыһыыр сулууспатын үлэһиттэрэ Бүлүү улууһугар олунньу 29 күнүгэр «Восточнай» космодромтан ыытыллыбыт аракыата тобоҕун тиэйиини-таһыыны тэрийэр үлэни ыыталлар.

Быыһааччылар аракыататтан түспүт кэккэ чаастарын эрбииргэ уонна таһарга тустаах тэриллэринэн сэбилэммиттэр.

«Оробуочай бөлөх үлэтин кэмигэр аракыата тобоҕун (уматык бааҕын) булбута. Кулун тутар 2 күнүгэр 1 туонна курдук ыйааһыннаах эрбэммит чаастары бөртөлүөт былаһааккатыгар тириэрдибиттэрин бөртөлүөтүнэн илдьэн суох оҥордулар. Аналлаах пууҥҥа илдьэннэр, «ЦЭНКИ»  АУо бэрэстэбиитэллэрэ хас биирдии чааһы нүөмэрдииллэр, бэлиэтииллэр. Ол кэнниттэн контейнердарга уганнар салгыы суох оҥорууга (утилизация) ыыталлар”, — диэн  өрөспүүбүлүкэ быыһыыр сулууспатын аэромобильнай көрдүүр-быыһыыр подразделениетын  начаалынньыгын солбуйааччы Павел Алексеев иһитиннэрдэ.