Бүлүү улууһугар баар ойуур баһаара умуруорулунна

Ааспыт сууккаҕа Саха сиригэр Бүлүү улууһугар 3 га иэннээх ойуур баһаара умуруорулунна диэн СӨ экологияҕа, айылҕаны туһаныыга уонна ойуур хаһаайыстыбатыгар миниистирин солбуйааччы Андрей Коноплев от ыйын 18 күнүгэр брифиҥҥэ эттэ.

2025 сыл от ыйын 18 күнэ саҕаланар кэмигэр өрөспүүбүлүкэҕэ Сунтаар улууһугар 23 га иэннээх сиргэ 2 ойуур баһаара умайар. 94 киһи уонна 7 тиэхиньикэ умуруорууга үлэлии сылдьаллар.

Былырыыҥҥы сылы кытта тэҥнээн көрдөххө, баччаларга 930 тыһ. гектар иэннээх сиргэ 149 баһаар баара бэлиэтэммит.

Айылҕа баһаара буолбут түгэнигэр, тута эрэгийиэннээҕи ойуур хаһаайыстыбатын диспетчерскэй сулууспатыгар 7 (4112) 44-74-76 нүөмэргэ уонна ойуур харыстабылын — 8-800-100-94-00 нүөмэригэр эрийиҥ диэн иһитиннэрэр Ил Дархан, бырабыыталыстыба пресс-сулууспата.