Бүлүү улууһугар мобилизацияҕа барбыт дьон дьиэ кэргэттэрэ төрөппүт усунуоһуттан босхолоннулар

Бүлүү улууһугар быстах байыаннай хомуурга ыҥырыллыбыттар дьиэ кэргэттэрэ төрөппүт усунуоһуттан босхолоннулар.

Бүлүүгэ «Алмазик» оҕо саадыгар байыаннай сулууспалаахтар дьиэ кэргэттэрэ төрөппүт усунуоһуттан босхоломмуттар. Бу туһунан СӨ Бырабыыталыстыбатын бэрэссэдээтэлин солбуйааччы Сергей Местников Бүлүү улууһугар үлэни-хамнаһы билсэн баран иһитиннэрдэ.

.«Алмазик» оҕо саадыгар кырачааннары иитэргэ-үөрэтэргэ табыгастаах тупсаҕай усулуобуйа тэриллибит. Ис оҥоһуга, тэрилинэн хааччыллыыта үчүгэй. Өрөспүүбүлүкэҕэ бастыҥ эбийиэктэргэ киирсэр«, — диэн этэр кини.