Бүлүү улууһугар эр киһи сүттэ

Бэҕэһээ, балаҕан ыйын 19 күнүгэр, 21.15  ч. Бүлүү оройуонунааҕы биир кэлим дьуһуурунай сулууспаҕа ойуурга эр киһи сүппүтүн туһунан иһитиннэрии киирбит.

Ол курдук  40-ча саастаах эр киһи мас олордуутугар  Дьокуускайтан кэлбит. Кинилэр Лөкөчөөнтөн 30 км сиргэ үлэлээбиттэр. Эр киһи ойуурга күнүс барбыт уонна кэлбэтэх. Үлэһиттэр бэйэлэрэ көрдүү сатаабыттар да булбатахтар.

Бүгүн 11 чааска СӨ Быыһыыр сулууспатын Үөһээ Бүлүүтээҕи көрдүүр-быыһыыр этэрээтин үс быыһааччыта тепловизордаах  көрдүү барбыттар.  Маны таһынан полиция икки үлэһитэ уонна 30 олохтоох дьон бардылар.