Бүлүү улууһугар икки киһилээх оҥочо түҥнэһиннэ

Бүлүү улууһугар икки эр киһи олорсон испит оҥочото (аэролодката) түҥнэһиннэ. Саха сирин тырааныспарга борокуратуурата быһылаан тула бэрэбиэркэни саҕалаата диэн Илин-Сибиирдээҕи тырааныспар борокуратуурата иһитиннэрэр.

Барыллаан дааннайдарынан, алтынньы 19 күнүгэр түөрт эр киһи Бүлүү өрүһүнэн Харабый диэн сиргэ бултуу оҥочонон айаннаабыттар.

Баранка арыыга кэлэн, икки эр киһи оҥочоттон түспүт. Онтон салгыы Харабыйга диэри икки эр киһи оҥочонон бэйэлэрэ устубуттар. Ол айаннаан истэхтэринэ оҥочолоро өрүс түгэҕэр саайыллан, кумахтаах кытылга түҥнэстибиттэр. Быһылаан «Татаар» диэн Бүлүү куораттан 20 км тэйиччи турар кытылга буолбут.

Саха сиринээҕи тырааныспарга борокуратуурата бэрэбиэркэни саҕалаата.