Бүлүү улууһугар «Куттала суох хараас» эриэйдэ ыытыллар

Бүлүү улууһугар «Куттала суох хараас» профилактическай эриэйдэ чэрчитинэн баһаартан сэрэтэр сыалтан хараастарга бэрэбиэркэлэр ыытыллаллар.

Тэрээһини улууһунааҕы 33-с №-дээх судаарыстыбаннай баһаарынай сулууспа этэрээтин састааба, баһаартан сэрэтии инструктордара муниципальнай тэриллии куттал суох буолуутугар үлэһиттэрин кытта ыыталлар. Бу туһунан СӨ Судаарыстыбаннай баһаарынай сулууспата иһитиннэрэр.

Исписэлиитсэр чааһынай хараастарга уонна боксаларга сылдьаллар, кинилэр хаһаайыттарга баһаартан куттал суох буолуутун быраабылатын тутуһар наадатын санаталлар. Сүрүннээн ититэр оһохтору уонна гаас хочуолунайдары туһаныыга, уот боруобаттарын уонна электрическэй прибордар туруктарыгар ураты болҕомто ууруллар.