Хаартыска -- Ил Дархан уонна Бырабыыталыстыба пресс-сулууспата
Бүгүн бырабыыталыстыба чилиэннэрэ кыттыылаах суолталаах ыйаахтар туолууларын хаамыытын туһунан сүбэ мунньахха Ил Дархан Айсен Николаев өрөспүүбүлүкэҕэ волоконнай-оптическай сибээс ситимин тардыы көхтөөхтүк ыытылларын бэлиэтээтэ.
«Быйыл бырабыыталыстыба уонна Арктиктелеком иннигэр сүрүн соругу туруорабын — ВОЛС Эдьигээҥҥэ диэри тиийэрин ситиһиэххэ. Бүлүү улууһун Хаҕын нэһилиэгэр ВОЛС ситимин тардыыга Эдьигээн үс нэһилиэнньэлээх пуунун хабыахха наада. Онон быйыл бу бырайыагы олоххо киллэрэр сорук турар», — диэн эрэгийиэн баһылыга Айсен Николаев бэлиэтээтэ.
Өрөспүүбүлүкэ Аҕа баһылыга бырабыыталыстыба Хаҕын — Эдьигээн туһаайыынан ВОЛС тардыыга үбүлээһини көрөргө сорудахтаата.
2022 сыллаахха өрөспүүбүлүкэ РФ Сыыппара, сибээс уонна маассабай коммуникациялар сайдыыларын министиэристибэтэ «Синергия Арктики» бырайыагы олоххо киллэриигэ илии баттаабыттара.
ВОЛС ситимин 86 арктическай уонна ыраах сытар нэһилиэнньэлээх пууннарга холбуохтара. СӨ Инновация, сыыппара уонна инфокоммуникационнай технологиялар сайдыыларын миниистирэ Анатолий Семенов бэлиэтээбитинэн, эһиил Хаандыга — Тополинай — Баатаҕай- Верхоянскай- Баатаҕай Алыыта, онтон Тиксиинэн Куйгааҕа тиийэн, Депутатскай — Белай Гора- Чокуурдаах, Зырянка — Хонуу, Орто Халыма — Черскэй туһаайыыларынан улахан тутуу магистрала ыытыллыаҕа. Бу бырайыакка Кэбээйи уонна Өлүөхүмэ улуустарын ыраах сытар нэһилиэктэрин хабан туран, ВОЛС ситимин киллэрии соруга турар.
Оччотугар өрөспүүбүлүкэ 100 % сыыппара сибээһинэн хааччыллар. 2012 сылтан Саха сиригэр 13 тыһыынчаттан тахса км ВОЛС ситимэ тардылынна.
Госдуума элбэх оҕолоох ыалларга юридическай көмө босхо буолуохтааҕын туһунан сокуон бырайыагын бастакы ааҕыыга ылынна. Көмөнү үс…
А.С.Пушкин аатынан Нуучча тылын судаарыстыбаннай института 2024 сыл тылынан "Пушкин" диэн тылы ааттаата. Бу туһунан…
Бүгүн «Дьиэҕэ төннүү» сэминээргэ анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта сөптөөх…
РФ Бэрэсидьиэнэ Владимир Путин норуокка туһаайан этиитигэр бастакытын "Орешник" диэн саҥа комплекс туһунан иһитиннэрдэ. Кини…
2024 сылга "Култуура" национальнай бырайыагынан 5 муниципальнай модельнай бибилэтиэкэлэри киллэрдилэр. Бу иннинэ 35 маннык бибилэтиэкэни…
Cахалыы тыллаах саамай кырдьаҕас "Чолбон" сурунаал сэтинньитээҕи нүөмэригэр кэрэхсээҥ: Саха сирин суруйааччыларын сойууһун 90 сылын…