Хаартыска Бүлүү улууһун дьаһалтатын пресс-сулууспатыттан
Сайын аайы устудьуоннар тутар этэрээттэрэ Саха сирин үгүс улуустарыгар социальнай эбийиэктэри, хотоннору, былаһааккалары, о.д.а. тутарга көмөлөһөллөр.
Быйыл ууттан эмсэҕэлээбит улуустарга чөлүгэр түһэрэр үлэлэргэ итиэннэ улахан уот турбут сирдэригэр ойуур баһаарыгар сылдьаллар.
Бүлүү куоратыгар устудьуоннар тутар этэрээттэрэ от ыйын 29 күнүттэн кэлэн үлэлии сылдьаллар. Кинилэр манна атырдьах ыйын 25 күнүгэр диэри үлэлиэхтэрэ диэн Бүлүү улууһун дьаһалтатын пресс-сулууспата иһитиннэрэр.
13 эдэркээн, үлэни-хамнаһы кыайа тутар, көхтөөх уолаттар уонна кыргыттар кырдьаҕас Бүлүү куоратын тупсарыыга үлэлиэхтэрэ. Кинилэр ортолоругар Дьокуускайдааҕы мэдиссиинэ кэллиэһин, Омскайдааҕы гражданскай авиация көтөр-тиэхэньиичэскэй кэллиэһин, Балтикатааҕы федеральнай университет, ХИФУ уонна Н.Г. Чернышевскай аатынан Бүлүүтээҕи педагогическай кэллиэс устудьуоннара бааллар.
Устудьуоннар этэрээттэрин байыастара тротуар билииккэлэрин уураллар, оҕо былаһааккаларын өрөмүөннүүллэр, ойуур баһаарыттан нэһилиэнньэни харыстыыр сыалтан минерализованнай балаһалары ыраастыыллар, ону сэргэ «Хаарбах дьиэттэн көһөрүү» бырагырааманан хаһаайыстыбаннай тутуулары көтүрүүгэ үлэлэһэллэр.
Ийэ айылҕабыт бэйэтэ анаан үүннэрэр эмтээх отун-маһын көдьүүстээхтик туһаныы билиҥҥи кэмҥэ ордук суолталанна. Бүгүн ааҕааччыларбытыгар…
Уус Алдаҥҥа Бэрт Ууһугар (баһылык И.П.Ильин) нэһилиэккэ дьоҥҥо-сэргэҕэ тиэйэргэ диэн анаан муус ылан бэлэмнээн кэбиһэр үтүө үгэстээхтэр.…
81 сыл буолан баран, эһээтин уҥуоҕун булбут байыас Валерий Петровка байыаннай сулууспа диэн тус…
Бүгүн субуота, сынньалаҥ үтүө күнэ. Ыксаабакка, сүүрбэккэ-көппөккө, дуоһуйа сынньаныҥ. Чугас дьоҥҥут аттыгар буолуҥ, сүрэххит этэрин…
Бу күннэргэ күн-дьыл туруга хайдаҕый? Соҕуруулуу-арҕаа, илин улуустарга, Халымаҕа, Өймөкөөҥҥө кыра хаардаах буолара күүтүллэр. Арктика…
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…