Хаартыска: «Бүлүү Харысхал» хамсааһын
Бүлүү улууһун «Бүлүү Харысхал» хамсааһына бу сылга үктэнэн баран үһүстээн нэһилиэнньэттэн аахсыйа быһыытынан тоҥ аһылыгы хомуйан анал байыаннай дьайыыга сылдьар уолаттарыгар ыытта.
Илии сылааһынан, сүрэх баҕатынан, кыайыыны чугаһатан, дойдуларын кытары ситимниир, күүс-уох биэрэр амтаннаах астаах баһыылкалары тиэрдиэхтэрэ. Куулунан собону Хампа, Балаҕаччы, Үгүлээт балыксыттара киллэрбиттэрин волонтер бэтэрээннэр, оскуола уһуйаан үлэһиттэрэ ыһаарылаан, кэтилиэттээн бэлэмнээтилэр. Биир уолга аадырыстанан тиийбит баһыылканы бүтүн рота байыаһа үллэстэрин билэр буолан, ыаллыы сытар Үөһээ Бүлүү улууһун «Сандал» СППК балыксыттара эбии уон куул собону ыыттылар. Юрий Тарасов дириэктэрдээх балыксыттарга «Бүлүү Харысхал» хамсааһын муҥура суох махталларын уолаттарын аатыттан тиэртилэр.
Н.Г. Чернышевскай аатынан үөрэх кыһатыгар тэриллибит көмө киинин салайааччыта Мария Оконешникова салалтатынан балыктары ыһаарылаан икки күннээх аахсыйаҕа кытыннылар. «Ороһу балыксыт кыыһа Ольга Захарова биһигини кытары үлэлэспитэ ыраатта. Мантан ыла балыгы хатаран ыытарга салгыы үлэлэһиэхпит. Толкуйдаабыппыт туолан, туппуппут табыллан истин, илиибит сылааһа уолаттарбытын харыстыы турдун! Бары бииргэбит! Харысхаллаах буолуоҕуҥ, харыстана сылдьыаҕыҥ!», — диэн «Бүлүү Харысхал» хамсааһын волонтердара санааларын үллэстэллэр.
Байыаннай дьайыы саҕаланыаҕыттан Мариуполь куоракка олорон биир дойдулаах байыастарбытыгар көмөлөһөр Мария Григорьевна Алексеева-Алгысчыт Арчыына Сахатын…
Бүгүн Дьокуускай куорат Н.О. Кривошапкин аатынан 5-с №-дээх орто оскуолатын иитэр үлэҕэ уонна оҕо уопсастыбаннай…
Ньурба улууһун олохтооҕо Гаврил Сидоров бэйэтин автосервиһыгар биир дойдулаахтарын массыыналарын өрөмүөннүүр. Байыаннай дьайыы кыттыылааҕа, бойобуой…
2024 сыллаахха Хатыыстыыр сэл. улаатан эрэр уол мототырааныспары ыытар бырааба суох сүүрдэ сылдьан, оҕону түҥнэри…
Үөһээ Бүлүү улууһун Мэйик нэһилиэгэр Өрөспүүбүлүкэ күнэ үрдүк тэрээһиннээхтик ааста. Нэһилиэк баһылыга Иван Яковлев салайааччылаах…
Мэҥэ Хаҥалас улууһун Гаврил Колесов аатынан Олонхо Дьиэтин үлэһитэ Анисия Степанова Узбекистан Өрөспүүбүлүкэтин Хива куоратыгар…