Бүлүү аэропуордун инфраструктуратын эбийиэктэрэ тутуллан бүттүлэр

«Эрэгийиэннэр аэропортарын сайыннарыы» федеральнай бырайыак уонна «Магистральнай инфраструктураны саҥардыы уонна кэҥэтии» (КПМИ) нацбырайыак чэрчитинэн Бүлүү аэропуордун инфраструктуратын эбийиэктэрэ тутулуннулар.

Ол курдук уматык ыскылаатын, резервуарнай паарканы, уматык операторнай ыскылаатын, хонтуруоллуур-аһарар пууну, ботурууллуур суолу, баһаарынай резервуары тутан бүтэрдилэр. Ону таһынан аэропуорт тулата күрүөлэннэ.

Билиҥҥитэ Ростехнадзортан сөптөөх түмүгү оҥорорун кэтэһэллэр. Эбийиэктэри тутуу үлэтэ судаарыстыбаннай сакаасчыт –«Ространсмодернизация» ФКУ кэтэбилинэн тутулунна диэн СӨ Тырааныспарын министиэристибэтэ иһитиннэрэр.