Бүлүүчээҥҥэ саҥа тутуулары ыытыыга улахан болҕомто ууруллар
![](https://sakha-sire.ru/wp-content/uploads/2024/08/screenshot_20240822-215909_telegram.jpg)
Сунтаар улууһугар уһук сытар нэһилиэктэргэ дьон олохсуйдун диэн үлэ миэстэтин таһааран, саҥа тутуулары ыытан улахан болҕомто ууруллар. Холобурга, 150 килэмиэтир тэйиччи сытар Бүлүүчээн нэһилиэгин ылан көрүөҕүҥ.
Орто бөһүөлэктэр ахсааннарыгар киирэр, үрэх сиргэ турар Бүлүүчээн нэһилиэгэ кэлиҥҥи сылларга тупсар, сайдар. Фермер Андрей Максимов көтөр ферматын үлэлэтэн, урукку быраҕыллыбыт ходуһалары сөргүтэн, тыа хаһаайыстыбатын салаатыгар сүҥкэн кылаатын киллэрэр.
Маны тэҥэ, саҥа тутуулары кэпсиир буоллахха, тыа сирин биир кэлим сайыннарыы программанан култуурнай-спортивнай киин үлэҕэ киирбитэ. Үүнэр көлүөнэни иитэн-такайан таһаарарга уһуйаан дьиэтин өрөмүөннээн, аны билигин олохтоох көҕүлээһини өйүүр бырайыагынан оҕо былаһааккатын оҥордулар. Тупсаҕай көстүүлээх, дьэрэкээн түһүлгэҕэ оҕо-аймах астына, дуоһуйа оонньуоҕа.
![](https://sakha-sire.ru/wp-content/uploads/2024/08/screenshot_20240822-215909_telegram.jpg)
![](https://sakha-sire.ru/wp-content/uploads/2024/08/screenshot_20240822-215850_telegram.jpg)
Бүлүү Эбэ үрдүгэр турар, кэрэ айылҕалаах нэһилиэги дьоҥҥо көрдөрөр, билиһиннэрэр курдук туризм хайысхатыгар эмиэ бастакы хардыылар бааллар. Ол курдук туристарга анаан эдэр ыал «Кытылга» диэн тупсаҕай дьиэни тутан, ыалдьыттары көрсөллөр.
Сунтаар улууһун дьаһалтатын пресс-сулууспата
Сообщить об опечатке
Текст, который будет отправлен нашим редакторам: