Бүлүү дэлэгээссийэтэ гуманитарнай көмөнү илдьэ тиийдэ

Байыаннай дьайыыга сылдьар биир дойдулаахтарбытыгар көмөнү тиһигин быспакка ыыталар.

Бэҕэһээ Бүлүү улууһун баһылыга Сергей Винокуров салайааччылаах дэлэгээссийэ Москваттан икки массыынанан араҕан, байыаннай дьайыы аттынааҕы нэһилиэнньэлээх пууҥҥа кэлэн, аҕалбыт таһаҕастарын сүөкээтилэр. Уолаттарбыт тустаах сакаастарын уонна көмө таһаҕаһы хас да хайысханан тиэрдэр гына сыымайдыахтара.

Итиэннэ бэҕэһээ госпиталларга тиэрдиллэр көмөнү тирэх пууҥҥа илдьэн туттардылар. Аҕыс спортивнай матысыыкылы тустаах ыскылааттан ылан чугаһаттылар.

Сарсыҥҥыттан байыаннай дьайыыга сылдьар уолаттарбытыгар тарҕатыы саҕаланыаҕа.