Хаартыска: СИА
Бүлүү оройуоннааҕы суута улуус 20 саастаах олохтооҕо ааптар быраабын сокуону кэһэн туран туһаммытын иһин кинини буруйдааҕынан билиннэ.
Эдэр кыыс 2023 сыл алтынньытыттан 2025 сыл кулун тутарыгар диэри мессенджергэ “Киинэлэр” диэн ханаалга ааптардар сөбүлэһиилэрэ суох 17 сахалыы киинэни таһаарбыт. Ханаалы тэрийиитин сүрүн соругунан аудиториятын кэҥэтии уонна сурутааччыларын ахсаанын элбэтии буолбут. 2025 сыл кулун тутарыгар үпкэ ыарахаттары көрсөн, ханаалын 20 тыһыынчаҕа атыылаабыт.
Түмүккэ киинэлэргэ бырааптаах дьоҥҥо уопсайа 40 146 383 солкуобай суумалаах хоромньу оҥоһуллубут (барыс киирбэккэ), бу ураты улахан хоромньу курдук сыаналанар.
Кыыс холуобунай дьыаланы көрөн баран, бэйэтин буруйун толору билиннэ уонна оҥорбутуттан кэмсиннэ.
Суут оҥоһуллубут буруй истиэпэнин, буруйу билиниини, кэмсиниини, кыыс туһунан үчүгэй сыанабылы уонна урут сууттамматаҕын учуоттаан, киниэхэ 1 сыл тургутар болдьохтоон, көҥүлүн быста (усулуобунай). Ону таһынан суут кыыс iPhone 15 Pro төлөпүөнүн судаарыстыба суотугар ылла.
Бириигэбэр сокуоннай күүһүгэр киирэ илик.
СӨ сууттарын холбоһуктаах пресс-сулууспата
Киһи кыыһырыстаҕына истириэстиир, санаата түһэр. Онтон сылтаан мэйии үлэтэ бытаарар. Сүрэх, тымыр үлэтэ эмиэ мөлтүүр.…
Бэҕэһээ, сэтинньи 29 күнүгэр, Тамерлан Романович Иванов аатынан «Кэскил» култуура киинигэр Арассыыйаҕа “Аҕа дойдуну көмүскээччи”,…
Инсульт Арассыыйаҕа эрэ буолбакка, аан дойдуга барытыгар инники миэстэҕэ сылдьар ыарыынан биллэр. Невролог, гериатр-быраас Полина…
Сэтинньи ый сэтэриир тумарагын сэгэйэ тэлэн, Туймаада олохтоохторо эдэрдиин-эмэнниин Өксөкүлээх Өлөксөй аатынан Норуоттар доҕордоһууларын дьиэтин…
Уус Алдан хомус уустара уутуйан үөскээбит улууһунан биллэр. Суон сураҕырбыт талааннаах маастардары күн бүгүн хомус…
Сунтаар улууһун. Тойбохой нэһилиэгэр Трофим Корнилов аатынан СаДуоБа (саахымат, дуобат, баарыс) көрүҥҥэ улуус аһаҕас күрэҕэ…