Быйыл күһүн быстах хомуурга ыҥырыллан, Яков Петров Бүлүү куоратын саҥа «Молодежнай» кыбаарталыгар туттан испит дьиэтин ситэрбэккэ хаалбыта.
Бастаан утаа, Петровтар дьиэ кэргэннэрэ уһаайбаларыгар туттубут гараажтарыгар олорбуттара, эдэр хаһаайын үрдүттэн сылдьан дьиэ акылаатын түһэрбитэ, дьиэтин маһын булуммута. Быйыл сайын чугас дьонун, доҕотторун кытта дьиэ холлоҕоһун дьэндэтэн тутан таһаарбыттара.
Яков Петров быстах хомуурга балаҕан ыйын 21 күнүгэр ыҥырыллыбыта. Дьиэ кэргэн, аймахтар сүбэлэригэр дьиэ үрдүн хаар түһүөн иннинэ булгуччу бүрүйэр сорук турбута. Дьиэ бүрүллүбэккэ хааллаҕына айылҕа кубулҕаттарыгар, хаарга-самыырга, күн уотугар бэс сырдык маһа хараарар, буортурар.
Дьиэ тас үрдүн каркааһын маһа, бүрүйэр тимир атыылаһыллыбыттарын кэннэ күүстээх үлэ саҕаламмыт. Бу күннэргэ Яков аҕа кынна Геннадий Петров, убайа Василий Петров салалталарынан доҕотторо, аймахтара, бииргэ үлэлиир кэллиэгэлэрэ, Бүлүү улууһун «Аҕа сүбэтэ» түмсүү кыттыылаахтара дьиэ сарайын каркаһын маһын туруора сылдьаллар.
«Норуот күүһэ – көмүөл күүһэ». Василий Петров тутааччылар элбэх буолан дьиэ үрдүн каркааһын туруордулар да, профлииһинан бүрүйэллэрэ эрэ хааларын, элбэх үтүө дьыаланы оҥорор улуустааҕы «Аҕа сүбэтэ» түмсүү салайааччыта Юрий Тутукаров аҕалар үлэлэриттэн көҥүллэтэн, иллэҥ кэмнэригэр кэлэн тутууга күннэтэ кэриэтэ көмө буолалларын, билиҥҥи уустук кэмҥэ дьон түмсүүлээх буолара уонна бэйэ-бэйэтигэр көмөлөһөрө ирдэнэрин билиһиннэрдэ.
Петровтар дьиэ кэргэннэригэр көмөнү оҥоруу улуустааҕы быстах хомуурга ыҥырыллыбыт эр дьоҥҥо, байыаннай сулууспалаахтарга, кинилэр дьиэ кэргэннэригэр көмөнү оҥорор суһал ыстаапка быһаарыллыбыта. Ити курдук, Бүлүү улууһугар быстах хомуурга хабыллыбыт эр дьон дьиэ кэргэннэригэр быһаччы көмө оҥоһуллар.
«Олох суола» хаһыаттан.
Ил Дархан Айсен Николаев Алдан оройуонун баһылыгын Александр Шестопаловы кытта көрүстэ. Кэпсэтии кэмигэр өрүттэр муниципалитет…
Бүтүн Арассыыйатааҕы "Улахан этнографическай дьыктаан" сырдатар аахсыйа сэтинньи 1-8 күннэригэр буолуоҕа. Быйыл онус төгүлүн ыытыллар…
РФ бырабыыталыстыбата Тиксии-Найба агломерациятын социальнай-экэнэмиичэскэй сайдыытын кэлим уһун болдьохтоох былаанын бигэргэттэ. Кэлим былаан биир суолталаах…
Бүгүн хара сарсыардаттан, харахпытын хайа тардыахпытыттан социальнай ситимнэринэн, мессенджеринэн: “Эбээ, эһээ” күнүнэн диэн араас хартыыналары,…
Тэрээһин оҕолор олохторун уонна доруобуйаларын харыстыырга, уустук олохтоох дьиэ кэргэттэри буларга уонна оҕону атаҕастааһын түбэлтэлэрин…
Сэтинньи саҥатыгар бырааһынньык күннэрэ түбэһэллэринэн, оҕо босуобуйалара эрдэ түһүөхтэрэ диэн Социальнай пуонда Саха сиринээҕи салаата…