Хаартыска: "Олох суола" саайтан.
Муус устар 22-с күнүттэн 23 күнэ үүнэр түүнүгэр Бүлүү куоракка Комсомольскай уулуссаҕа баһаар буолла. Умайа турар дьиэттэн дьону аҕалаах уол Валентин уонна Владимир Ивановтар таһаардылар диэн «Олох суола» таһаарыы иһитиннэрэр.
01:40 чаас саҕана Бүлүүтээҕи педкэллиэс үһүс кууруһун устудьуона Владимир Иванов түннүгүнэн ыалларын дьиэтэ умайа турарын көрбүт. Аҕатын ыҥыраат, иккиэн ыалларыгар көмөлөһө сүүрбүттэр.
Уот кырыыһаны бүтүннүү ылбыт. Ивановтар ааны, түннүгү тоҥсуйан, ыалларын уһугуннарбыттар. Уол оҕолоох дьахтары номнуо барыта буруо буолбут дьиэттэн таһаарбыттар уонна тута уоту умуруорууга ылсыбыттар.
Баһаарынайдар кэлбиттэригэр, аҕалаах уол шланганы тардарга көмөлөспүттэр, дьиэттэн сыаналаах маллары таһаартаабыттар. Баһаары сарсыарда диэки биирдэ бохсубуттар. Дьиэ уокка бүтүннүү былдьаммыт. Төрүөттэрин силиэстийэ быһаарыаҕа.
Владмимр Иванов бэһис кылааска үөрэнэ сылдьан доҕорун Андрей Соколовы кытта тимирэ сыспыт уолу быыһаабыттар. Ол иһин кинини РФ ЫБММ «За спасение утопающих» мэтээлинэн наҕараадалаабыт. Ыал аҕа баһылыга Валентин Иванов Бүлүү куорат мунньаҕын дьокутаатынан буолар.
“Саха сирэ – Дьоруойдар дойдулара" каадыр бырагырааматын кыттыылааҕа уонна СӨ Уу хаһаайыстыбатын уонна халаан содулларын…
Атырдьах ыйын 1-2 күннэригэр Амма улууһун киинигэр “Төрүт түөлбэм төлкөтө” диэн уопсастыбанньыктар пуорумнара ыытыллар. Бу…
Биирдии киилэ моркуобу, помидору, луугу итиэннэ киилэ аҥара биэрэһи, 300 г петрушканы, биир оччо укуруобу…
Бу күннэргэ оройуоҥҥа доруобуйа харыстабылын министиэристибэтиттэн эмчиттэр бөлөхтөрө үлэлии сылдьар. Бу туһунан улуустааҕы"Хотугу сардаҥа" хаһыат…
Бу күннэргэ өбүгэ ньыматынан сахалыы эмтиир Виктор Кривошапкин үбүлүөйдээх 65 сааһын бэрт уратытык бэлиэтээтэ. Сахалыы…
Индигиир өрүс алдьатыылаах халаанын кэнниттэн Өймөкөөн улууһун нэһилиэктэригэр чөлүгэр түһэрии үлэтэ тэтимнээхтик бара турар. Улууска…