Хаартыска: Саха сиринээҕи Быыһыыр сулууспата
Бэҕэһээ, сэтинньи 6 күнүгэр, Саха сиринээҕи Быыһыыр сулууспата Роскосмос бэрэстэбиитэллэрин бөлөҕүн кытта Алдан уонна Бүлүү улуустарыгар түһэр аракыата тобохторун көрдүү тахсыбыттар.
Бүлүү улууһугар оройуон кииниттэн 220 км тэйиччи ыраах тыаҕа аракыата бааҕа көстүбүт. Бу туһунан Саха сиринээҕи Быыһыыр сулууспата иһитиннэрэр.
«Бэҕэһээ арыакыата тобохторо түһүөн сөптөөх сабаҕаланар сирдэриттэн сир боруобата ылылынна. Аракыата биир чааһа булулунна. Сотору кэминэн бааҕы таһарга бөртөлүөт түһэр былаһааккатын бэлэмниэхпит. Бүгүн күн-дьыл туруга мөлтөҕүттэн үлэни тохтоттубут», — диэн Быыһыыр сулууспа аэромобильнай-быыһыыр подразделениетын начаалынньыгын солбуйааччы Павел Алексеев иһитиннэрдэ.
Алдан улууһугар аракыата тобохторо көстүбэтилэр. «Биһиэхэ бу күннэргэ күүстээх хаар түһэр. Бэҕэһээ бөртөлүөтүнэн көрдөөтүбүт да туох да көстүбэтэ. Сир боруобата чинчийиигэ ылылынна. Биһиги оройуоммутугар Роскосмос көрдүүр үлэлэри сааскы кэмҥэ көһөрдө. Хаар түһэн туох да көстүбэт»,-диэтэ Алданнааҕы быыһыыр сулууспатын көрдүүр-быыһыыр этэрээтин начаалынньыга Андрей Гришин.
Санатан эттэххэ, «Союз-2б» аракыатаны сэтинньи 5 күнүгэр «Восточнай» космодромтан көтүппүттэрэ.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…