Бүлүүгэ баһаар кэннэ 66 саастаах эр киһи өлүгэ булуллубут

Алтынньы 7 күнүгэр 07:59 чааска баһаарынай-быыһыыр сулууспаҕа Бүлүү куорат Советская уулуссаҕа турар чааһынай баанньыкка баһаар тахсыбытын туһунан иһитиннэрии киирбит. Бу туһунан Саха сиринээҕи ЫБММ пресс-сулууспата иһитиннэрэр.

3 мүнүүтэ буолан баран, баһаар буолбут сиригэр өрөспүүбүлүкэтээҕи баһаарынай харабыл күүстэрэ тиийбиттэр. Баһаар түмүгэр 66 саастаах эр киһи өлүгэ көстүбүт, 16 кв.м иэннээх тутууну уот сиэбит. Баһаар төрүөтүнэн сылытар тэрил алдьаныыта буолар. Буруйдаахтар уонна хоромньу быһаарыллар. Баһаары умуруорууга  6 баһаарынай уонна 1 тиэхиньикэ кытынна.