Бүлүүгэ байыаннай дьайыы бэтэрээннэрэ күрэхтэстилэр

Бүлүүгэ доруобуйаларыгар хааччахтаах дьоҥҥо успуорт бэстибээлэ ыытылынна.

Күрэхтэһиигэ бойобуой дьайыылар бэтэрээннэрэ Еремей Ермолаев, Иван Гуляев, Геннадий Новиков уона Станислав Иванов кытыннылар. Бу туһунан «Аҕа дойдуну көмүскээччилэр» пуонда филиала иһитиннэрдэ.

Манна дартс, буулдьанан ытыы, остуол тенниһэ, хабылык, хаамыска күрэхтэһиитэ буолбут. Хас биирдии кыттааччы үс көрүҥҥэ илин-кэлин түһүспүт. Үксүлэрэ адаптивнай успуорка маҥнайгы кыттыылара. Күрэхтэһии сүрдээх сытыы киирсиилэрдээҕинэн сөхтөрбүт.

Буулдьанан ытыыга эр дьоҥҥо байыаннай дьайыы бэтэрээнэ Еремей Ермолаев бастаабыт.

—Социальнай арыаллааһыны таһынан, бойобуой дьайыылар бэтэрээннэрин успуорка күүскэ тардар соруктаахпыт. Байыастары араас хамсаныынан, күрэхтэһиинэн, сэһэргэһиини тэрийэн, үчүгэй күрэһи оҥорон, аралдьытан, олоххо көҕүлээн адаптациялааһын — үчүгэй ньыма. Социальнай координатор Леонид Унаров салалтатынан, байыаннай дьайыы кыттыылаахтарын киллэрэн туран,  Бүлүү улууһун күүстээх хамаандата сотору кэминэн Дьокуускайга күрэхтэһиигэ кыттыаҕа. Манна Аҕа дойдуну көмүскээччилэр күннэригэр анаммыт III физкультурнай-спортивнай тэрээһин ыытыллар, — диэн «Аҕа дойдуну көмүскээччилэр» пуонда Саха сиринээҕи салаатын социальнай координатора Ньургуйаана Платонова кэпсиир. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэрэ

Сиһилии: https://www.sakha.gov.ru/news/16502

Хаартыска: https://web.telegram.org/k/#@gosfondyakutia