Хаартыска sakha.gov.ru ылылынна
Бүлүүттэн улуустааҕы киин балыыһа кылаабынай бырааһа Егор Григорьев иһитиннэрбитинэн, билигин балыыһа ис уонна тас истиэнэтин оҥороллор.
Уопсайа 4259 кв.м иэннээх, 53 куойкалаах балыыһаҕа терапевт, оройуоннар икки ардыларынааҕы сүрэх-тымыр ыарыылаахтары эмтиир, МРТ, УЗИ, гастроскопия (ФГДС), инсуллаабыттары уонна инфарктаабыттары чэбдигирдэр, эмтиир уо.д.а. отделениелар баар буолаллар.
«Үлэ кыраапык быһыытынан баран иһэр, хаалыы суох.Тутуу хаамыытын хонтуруоллуубут. Матырыйааллар үксүлэрэ аҕалыллыбыттара. Ыам ыйыгар «АСК»ДОМ» ХЭУо кытта туох үлэ ыытылларыгар дуогабар түһэрсиллибитэ«, — диэн этэр кылаабынай быраас Егор Григорьев.
Кини бары ирдэбилгэ эппиэттиир уонна саҥа тэриллээх комплекс толору күүһүнэн 2025 сылга үлэлиэҕэ диэн этэр.Балыыһаны улуустар икки ардыларынааҕы кииннэринэн ааттыахха сөп. Манна үрдүк технологиялаах мэдиссиинэ көмөтүн Бүлүү бөлөх улуустара бары, ону таһынан Кэбээйи улууһун чугас сытар нэһилиэнньэлээх пууннарын олохтоохторо эмиэ ылар кыахтаналлар.
Кылаабынай быраас маны сэргэ, саҥа комплекска МРТ отделениетыгар ураты күүстээх МРТ туруоруллуо диэн бэлиэтиир.
Санатан эттэххэ, балыыһа комплекса РФ Бэрэсидьиэнэ Владимир Путин көҕүлээбит «Доруобуйа харыстабыла» национальнай бырайыак иитинэн тутуллар. Судаарыстыба баһылыга мэдиссиинэ бастакы сүһүөх звенотун сайыннарыы уонна саҥатытыы туһунан хаста да бэлиэтээн турар.
СӨ Ил Дарханын уонна Бырабыыталыстыбатын пресс-сулууспата
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …