Бүлүүгэ банкеттыыр саалаттан харчы уордулар

Бүлүү оройуонун полициятын дьуһуурунай чааһыгар олохтоох киһи 27 тыһыынча солкуобайтан тахса сууманы уорбуттарын туһунан биллэрбит.

Эмсэҕэлээбит киһи банкетнай сааланы куортамнаабыт уонна ол дьиэҕэ куортамныыр төлөбүрүн хаалларбыт. Ол эрээри саала хаһаайыттара харчыны миэстэтигэр булбатахтар.

Суһал-көрдүүр дьаһалларынан холуобунай ирдэбил үлэһиттэрэ уорбаланааччы лиичинэһин быһаардылар. Уорбаланааччы банкеттыыр саала 39 саастаах үлэһитэ буолара биллибит.

Хара санаалаах дьахтар харчыны быраҕан барбыттарын бэлиэтии көрбүт уонна уоран ыларга санаммыт. Уорбаланааччы этэринэн, хамнаһын төлөөбөттөрүн иһин харчыны ыларга быһаарыммыт. Уоруллубут харчыны тус наадатыгар туһаммыт. Холуобунай дьыала тэрилиннэ, диэн ИДьМ пресс-сулууспата суруйар.