Мария Васильева хаартыскаҕа түһэриитэ, СИА
Бүлүү өрүскэ биэрэги бөҕөргөтөр үлэлэр кэлэр сыл бастакы кыбартаалыгар түмүктэниэхтэрэ.
Бүгүн, атырдьах ыйын 11 күнүгэр, Ил Дархан Айсен Николаев Үөһээ Бүлүүгэ Бүлүү өрүскэ биэрэги бөҕөргөтөр үлэ хаамыытын бэрэбиэркэлээтэ.
Бүгүн 2, 3, 4 №- дээх учаастактар тутар үлэлэрэ толоруллубуттар. 585 миэтэрэ уһуннаах 1 №- дээх учаастагы оҥоруу уонна 4 аппаны кутуу үлэтэ оҥоһуллаллара хаалбыт. Атырдьах ыйын 7 күнүнээҕи туругунан биэрэк уопсай кээмэйин 72 % үлэ кэриҥэ толорулунна.
Үлэ ыытыллар учаастагар барыта 118 тыһыынча м3 кумах, 26 тыһыынчаттан тахса м3 кумах- гравий булкааһа, геоспан, хайа буора, үлтүркэй таас аҕалыллыбыттар.
Карьер уонна кытыл уларыйбыттарынан сибээстээн судаарыстыбаннай эспэртиисэни кытта симиэтэ докумуоннарыгар көннөрүү үлэтэ ыытылынна. Ол курдук, былырыын инженернэй чинчийиилэр түмүктэринэн судаарыстыбаннай эспэртиисэ үчүгэйдик түмүктэммит. Быйыл ыам ыйыгар – эспэртиисэҕэ тэхиньиичэскэй өттүнэн үтүө түмүктээһин ылыллыбыта. Бастаан бэрэбиэркэни СӨ cудаарыстыбаннай эспэртиисэ салалтата ыыппыт. Симиэтэ сыанатын кырдьыктааҕын туоһулуур ПСД толору кээмэйдээх отчуотун көрдөөбүттэр. Айсен Николаев биэрэги бөҕөргөтөр үлэлэри эһиил сыл бастакы ыйдарыгар олохтоммут болдьоххо бүтэрэр соругу туруорда.
«Өрүс чугас олорор дьоҥҥо олус суолталаах боппуруос. Кэлэр сыл бастакы кыбартаалыгар бөҕөргөтөр үлэлэр түмүктэниэхтээхтэр», — диэн бэлиэтээтэ Айсен Николаев.
Биэрэги бөҕөргөтөр үлэлэргэ билигин 15 тутааччы, 1 бульдозер, экскаватор, фронт погрузчига уонна 10 самосвал үлэлииллэр.
СӨ Ил Дарханын уонна СӨ Бырабыыталыстабатын пресс-сулууспата
Бэчээккэ бэлэмнээтэ Эльдар Садовников
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…