Хаартыска: Бүлүү улууһун дьаһалтата
2026 сылга Бүлүү улууһугар «Дьулуур» спартакиада ыытыллара былааннанар. Бу улахан тэрээһиҥҥэ бэлэмнэнии хайдах баран иһэрий?
СӨ Бырабыыталыстыбатын Бэрэссэдээтэлин солбуйааччы Сергей Местников бэлиэтээбитинэн, спартакиада сүрүн сыала- соруга успуорду сайыннарыыга эрэ буолбакка, бу доруобуйаларыгар хааччахтаах дьон уопсастыбаннай олоххо чугас буолалларыгар көмөлөөх.
Күрэхтэһии түөрт бөлөҕүнэн ыытыллар. Кулгаахтарынан куһаҕаннык истэр дьон чэпчэки атлетикаҕа, сыал ытыытыгар, остуол тенниһигэр, дуобакка, шахмакка күрэхтэһэллэр. Сүһүөхтэригэр, хаамалларыгар кыһалҕалаах дьон олорон эрэ волейбуоллуохтара, чэпчэки атлетикаҕа кыттыахтара, теннистиэхтэрэ, дуобаттыахтара уонна шахматтыахтара. Харахтарынан мөлтөхтөр, үчүгэйдик көрбөт дьон чэпчэки атлетикаҕа кыттыахтара, голбол оонньуохтара. Өйдүүр дьоҕурдарыгар кэһиллиилээхтэр чэпчэки атлетикаҕа кыттыахтара. Шахмат спартакиада бырагырааматыгар аан бастаан киллэрилиннэ.
Кыттааччыларга табыгастаах усулуобуйа тэриллэригэр улахан болҕомто ууруллуохтааҕын Местников бэлиэтээтэ.
Тэрийэр кэмитиэт судьуйа уонна оробуочай хамыыһыйатын тэрийии, мэдиссиинэ көмөтүн оҥоруу, куттал суох буолуутун хааччыйыы, култуура бырагырааматын боппуруостарын көрбүт. Улуус баһылыга Сергей Винокуров эппитинэн, далааһыннаах тэрээһиннэри тэрийэн ыытарга Бүлүү улууһа балачча уопуттаах. Онон улуус спратакиаданы үрдүк таһымнаахтык ыытарга бэлэмин иһитиннэрбит.
Бүлүүгэ күрэхтэһии биэс спортивнай уонна култуура эбийиэктэригэр ыытыллара былааннанар. Онтон кыттааччылар олороллоругар 21 эбийиэги бэлэмнииллэр.
«Дьулуур» XV Спартакиада Ил Дархан Айсен Николаев дьаһалынан Бүлүүгэ от ыйын 7-12 күннэригэр 2026 с. ыытыллыахтаах.
XIV спартакиада 2023 сыллаахха Амма улууһугар ыытыллыбыта.
СӨ Ил Дарханын уонна Бырабыыталыстыбатын пресс-сулууспата
Хаартыска: «Олох суола» хаһыаттан
Ааспыт нэдиэлэ устата Дьокуускай куорат мээрийэтин административнай хамыыһыйата сымыйа кафеҕа, түүҥҥү кулуупка уонна итирдэр утахтары…
Соторутааҕыта тахсыбыт “Саха култууратын тиэрминнэрин нууччалыы-сахалыы, сахалыы-нууччалыы тылдьыта” дьоҥҥо-сэргэҕэ бэрт туһалаах буолсу. Аныгы курдук хас…
Чуапчы улууһун Соловьев нэһилиэгин баһылыгын боломуочуйатын болдьоҕун иннинэ тохтотор туһунан суут быһаарыыта күүһүгэр киирдэ. Чурапчы…
Офтальмология өрөспүүбүлүкэтээҕи балыыһатын мобильнай быраастара ыраах сытар нэһилиэнньэлээх пууннарга, ол иһигэр Арктика улуустарыгар, харахха эпэрээссийэлэри…
Бүгүн күнүс улуус киинин Амманы уонна Чакыр нэһилиэгин бэйэ-бэйэлэриттэн "арааран" турар Амма өрүс биир кытыллыттан…
Саха сиринээҕи Суут бириистэптэрин управлениетын Дьокуускай куораттааҕы салаата кирэдьиит төлөбүрүн төннөрөр туһунан дьыаланы түмүктээтэ. Дьокуускай…