Хаартыска: Sportyakutia.ru
Ахсынньы 4 күнүгэр Бүлүү куоратыгар устудьуоннарга аан дойду чөмпүйүөнэ, Европа чөмпүйэнээтин икки төгүллээх боруонса призера, Бүлүү улууһун 1-кы Күүлэт нэһилиэгин бочуоттаах олохтооҕо, норуоттар икки ардыларынааҕы кылаастаах успуорт маастара Эдуард Григорьевы улахан успуортан атаарыыга анаммыт көҥүл тустууга эр дьоҥҥо аһаҕас өрөспүүбүлүкэтээҕи күрэхтэһии ыытыллыаҕа.
Саха сирин бастыҥ тустууктара Эдуард Григорьев күрэхтэспит 57, 61, 65 кг ыйааһыннарыгар күөн көрсүөхтэрэ. Кыайыылаахтары уонна призердары дьоһун бириис күүтэр: чөмпүйүөннэргэ 50 000 солк., иккис миэстэҕэ тахсыбыттарга хас биирдиилэригэр 30 000 солк. уонна үһүс миэстэлээхтэргэ 10000 солкуобай.
Ону тэҥэ үгэс быһыытынан, күрэхтэһии түмүгэр хапсаҕайга абсолютнай чөмпүйэнээт ыытыллыаҕа. Манна 70 киилэҕэ диэри ыйааһыннаахтарга кыайбыт киһи 60 000 солкуобайы ылыаҕа, оттон 70 киилэттэн үөһээ ыйааһыннаахтарга чөмпүйүөн эмиэ 60 000 солкуобайынан наҕараадаланыа.
Күрэхтэһии “Эрчим” спортивнай комплекска ыытыллар. Эмиэ бу күн Григорьев Эдуард Захаровиһы улахан успуортан атаарыы М.Н. Жирков аатынан култуура киинигэр буолуоҕа. Бу туһунан Sportyakutia.ru суруйар.
Ааспыт сылга уонна сыл саҕаланыыта хас да дьиэ кэргэн өлүүлээх чааһынай дьиэлэргэ тахсыбыт баһаардар өрөспүүбүлүкэни…
Бэҕэһээҥҥи долгутуулаах Таптал күнүн кэнниттэн, бүгүн уоскулаҥ уонна сынньалаҥ күнэ үүннэ. Ый Чубуку бэлиэтиттэн Күрүлгэн көһөр…
Синоптиктар билгэлииллэринэн, бүгүн, олунньу 15 күнүгэр, Саха сиригэр кыралаан хаар түһэрэ күүтүллэр, өрөспүүбүлүкэ арҕаа өттүгэр…
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…