Бүлүүгэ эр киһи дьахтары быһаҕынан анньан көҥүлэ быһылынна

Бүлүү улууһун Борокуратуурата Бүлүү олохтооҕун холуобунай дьыалаҕа судаарыстыбаннай буруйдааһынын өйөөтө. Кини РФ Холуобунай Кодексатын «в» п. 2 ч. 115 ыст. буруйданна. Бу туһунан СӨ Борокуратуурата суруйар.

Суут быһаарыытынан 38 саастаах буруйданааччы  былырыын балаҕан ыйыгар итирик туруктаах сылдьан, иирсээн кэмигэр бииргэ олорор дьахтары быһаҕынан анньан, доруобуйаҕа кыра эчэйиилээх  буруйу оҥорбута быһаарыллыбыт.

Суут судаарыстыбаннай буруйдааччы этиилэрин учуоттаан, эр киһини биир сылга диэри көҥүлүн быһарга  уонна кытаанах эрэһиимнээх холуонньаҕа ыытарга быһаарда.

Суут бириигэбэрэ сокуоннай күүһүгэр киирэ илик.