Бүгүн, муус устар 26 күнүгэр, Өрөспүүбүлүкэ күнүн көрсө Бүлүү улууһун салалтата уонна уопсастыбаннаһа Саха сирин устуоруйатыгар ааттара көмүс буукубанан суруллубут, автономиябытын төрүттэспит, Саха сирин сайдыытыгар сүҥкэн кылааттарын киллэрбит биир дойдулаахтарын чиэстээтилэр.
Кинилэртэн биирдэстэрэ, Саха АССР Ис дьыалаҕа наркомун, Совнарком салайааччытынан үлэлээбит бастакы бассабыык революционердартан холобурга сылдьар киһи, биллиилээх судаарыстыбаннай, бэлитиичэскэй уонна уопсастыбаннай диэйэтэл, Саха сиригэр олох саҥа саҕахтарын сахпыт, сайдыы олугун түстээбит, бүлүүлэр киэн туттар биир дойдулаахтара Степан Аржаков искибиэригэр сибэкки дьөрбөтүн ууруу сиэрэ-туома ыытылынна.
— Биһиги биир дойдулаахпыт, биллиилээх судаарыстыбаннай диэйэтэл Степан Аржаков өссө 1920 сыллаахха Саха сирэ туспа судаарыстыба буолара наадатын туһунан бастакынан тыл көтөхпүт дьонтон биирдэстэрэ. Степан Максимович икки төгүл Норуот хамыһаардарын сэбиэтин бэрэссэдээтэлинэн (билиҥҥинэн бырабыыталыстыба бэрэссэдээтэлэ) үлэлээбитэ.
Ол иннинэ хас да комиссариакка сэкиритээринэн (билиҥҥитэ миниистиринэн) үлэлээн,
Саха сирэ сайдыытыгар үгүс сыратын биэрбитэ, — диэн бэлиэтээн туран, Степан Аржаков чугас дьонун кытта сибээстэһэллэрин туһунан улуус баһылыга Сергей Винокуров санаатын үллэһиннэ.
Улуус дьокутааттарын мунньаҕын сэбиэтин салайааччы Гаврил Корякин улуус ыччаттара Степан Аржаков аатыгар тирэҕирэн, кини дьыалатын салҕыылларыгар эрэнэрин биллэрдэ:
Суолталаах тэрээһиҥҥэ Ил Түмэн дьокутааттара, кэккэ министиэристибэ уонна биэдэмистибэ салайааччылара кыттыыны ыллылар уонна Степан Аржаков пааматынньыгар сибэкки дьөрбөтүн уурдулар.
Эбиэттэн киэһэ улуус салалтатын уонна уопсастыбаннаһын үөрүүлээх мунньаҕа, Саха сирин сайдыытын уруйдуур-айхаллыыр дьоро бырааһынньык буолла.
Бүлүү куоратыгар иллээх дьиэ кэргэнинэн олорор араас омук дьоно национальнай таҥастарын кэтэн тахсыбыттарын, олохтоохтор уруйдаан-айхаллаан көрүстүлэр.
Ити курдук, Өрөспүүбүлүкэ күнүн көрсө бүлүүлэр бэрт кэрэхсэбиллээх тэрээһини тэрийдилэр.
Волонтердар кылааттара сыл аайы #МЫВМЕСТЕ норуоттар икки ардыларынааҕы гражданскай пуорумҥа бэлиэтэннэ. Быйыл пуорум ахсынньы 2-5…
Дьиэ подъеһын Саҥа дьылга киэргэтиини кыбартыыра хаһаайыннарын уонна салайар хампаанньа сөбүлэҥэ суох оҥордоххо 15 тыһыынча…
Өрөспүүбүлүкэҕэ байыаннай дьайыы кыттыылаахтарын 225 ыалыгар олорор дьиэни гаастыырга материальнай көмө оҥоһулунна. Бу туһунан СӨ…
«Национальные приоритеты» АНО Арассыыйа Доруобуйа харыстабылын министиэристибэтин кытта «Арыгыта суох олох» диэн арыгыга ылларыыны утары…
Саха сирин кыттааччылара соторутааҕыта Москва куоракка ыытыллыбыт Бүтүн Арассыыйатааҕы “Мин бастыҥ уруогум” педагог идэтин маастарыстыбатын…
Ахсынньы 8 күнэ үүнэр түүнүгэр быыһааччылар Дьокуускай аттыгар ойуурга муммут дьону буллулар. Бу туһунан Быыһыыр…