Бүлүүгэ киһи өлүүлээх суол быһылаана тахсыбыт 

Кулун тутар 29 күнүгэр сарсыарда 9:10 чааска Бүлүү улууһун полиция дьуһуурунай чааһыгар «Бүлүү» федеральнай суол  569 км икки массыына харсыспытын уонна биир киһи өлбүтүн туһунан биллэрбиттэр.

Бэрэбиэркэ кэмигэр  быһаарыллыбытынан, 1985 с.т. суоппар «TOYOTA COROLLA FIELDER» массыынанан Чинэкэ сэлиэнньэттэн Бүлүү куоратын диэки айаннаан иһэн «Бүлүү» айан суол 569 км. + 100 м. учаастагар утары суолга тахсан биэрбит уонна 1987 с.т. ыытан испит «VOLVO FM TRAK 6×4» мааркалаах тырааныспары кытта харсыспыт.

Саахал түмүгэр, «TOYOTA COROLLA FIELDER» массыына суоппара быһылаан тахсыбыт сиригэр миэстэтигэр өлбүт. Атын массыына суоппара эчэйбэтэх. Быһылаан төрүөтэ силиэстийэлэнэр, диэн ИДьМ пресс-сулууспата суруйар.