До выборов президента РФ
00 дней
:
00 часов
:
00 минут
:
00 секунд
Бүлүүгэ — «Олоҥхо дойдутун Далбар Хотуна»

Бүлүүгэ — «Олоҥхо дойдутун Далбар Хотуна»

Ааптар:
20.11.2023, 11:29
Хаартысканы ааптар тиксэрдэ
Бөлөххө киир:

Бүлүү улууһугар сэтинньи  18 күнүгэр Олоҥхо декадатын чэрчитинэн, улуустааҕы «Олоҥхо дойдутун Далбар Хотуна» диэн ааттаах саха фольклоругар аналлаах күрэх буолан ааста.

Бу күрэххэ  Бүлүү, Бороҕон, Кэбээйи, Чинэкэ, Дьөккөн, 1-кы Чочу мааны далбардара кыттыыны ыллылар. Күрэх 5 түһүмэхтэн турда, ол курдук олоҥхо тылынан бэйэни билиһиннэрии, талба талаан, олоҥхо геройун уобараһа, ыйытыктарга хоруй уонна сахалыы таҥаһы көрүү буолла. Күрэх өрө көтөҕүллүүлээхтик барда. Бары даҕаны талбыт курдук киһи сөҕүөх талааннаахтара, бииртэн-биир дьикти айылгылаахтара дьону сөхтөрдө. Дэгэрэҥ ырыа ылланна, хомус дьүрүскэн тыаһынан киэргэттэ, оллоонноон олорон олоҥхо кэпсэннэ. Олоҥхо уобарастарыгар Аан Алахчын Хотун, Абааһы кыыһа, Айыы Умсуур удаҕан, Сорук-боллур уол, Кыыс кыскыйдаан, Сабыйа Баай Хотун, Бухатыыр кыыс илэ бэйэлэринэн киирэн, туттан-хаптан, саҥаран-иҥэрэн, саалаҕа олорор дьону олоҥхо дойдутугар үктэннэрдилэр. Онтон туран ыйытыктар олоҥхо тула буолан, ыйытык аайы үс хоруй суруллубутуттан биир сөбүн талан, бары даҕаны фольклору өрө тутар дьон, сөптөөх хоруйу биэрэн биир тутум үрдээтилэр. Бүтэһик түһүмэххэ саха дьахтарын мааны таҥаһын таҥнан, аа-дьуо долгулдьуйа устан киирбиттэригэр, хайдах курдук саха дьахтара кэрэтин өссө төгүл бигэргэттилэр.

Дьэ, сити кэннэ, ханнык баҕарар күрэххэ буоларын курдук кыайыылаахтары эҕэрдэлээтилэр.

Хас биирдии кыттааччыга анал ааттар иҥэрилиннилэр:

  • «Күбэйэ Хотун-2023» Люция Сметанина, Кэбээйи,
  • «Айыы Кут-2023» Марианна Пестрякова, «Мааны Далбар-2023»,
  • «Уран Хотун-2023» Галина Егорова, 1-кы Чочу,
  • «Сайдам Хотун-2023» Анна Семенова, Чинэкэ,
  • «Мааны Далбар-2023» Ньургуяна Саввинова, Бүлүү куорат,
  • «Иэйии Хотун-2023», «Көрөөччү биһирэбилэ» Светлана Харлампьева, Бүлүү куорат,
  • «Олоҥхо Дойдутун Далбар Хотуна-2023» кылаан чыпчаал кыайыылааҕа Парасковья Федорова, Бороҕон.

Ити курдук, кыайыы көтөллөнөн, алгыс тылынан арыалланан көрөөччүлэр да, кыттааччылар да сүргэлэрэ көтөҕүлүннэ. Кэлэр да өттүгэр бу күрэҕи өссө кэҥэтэн, тупсаран, ситэрэн биэриэхпит диэн мэктиэлээтилэр.

Елена Иванова

+1
2
+1
1
+1
0
+1
0
+1
0
+1
0
+1
0
Бары сонуннар
Салгыы
21 февраля
  • -35°C
  • Ощущается: -35°Влажность: 68% Скорость ветра: 0 м/с

Сообщить об опечатке

Текст, который будет отправлен нашим редакторам: