Бүлүүгэ оскуола туалетыгар камера туран, дириэктэр ыстарааптанна

Бүлүү оройуоннааҕы борокуратуурата Бүлүү 2-с №-дээх оскуолатыгар оҕолор бырааптарынан бэрэбиэркэни ыытта. Ол курдук, уолаттар туалеттарыгар камера иилиллэн турбут уонна кабиналарга ааннара суох эбит. Оскуола дириэктэрэ үс тыһыынча солкуобай кээмэйдээх ыстараабы төлүөҕэ диэн эрэгийиэн борокуратуурата иһитиннэрэр.

Оҕо үөрэнэр усулуобуйаларыгар санитарнай-эпидемиологическай ирдэбиллэр кэһиллибиттэринэн административнай эппиэтинэскэ тардыы туһунан борокуратуура оскуола дириэктэригэр иһитиннэриини киллэрбит. Ыстарааба үс тыһ.солк. тэҥнэһэр. Бу иһитиннэрии кэнниттэн камераны туурбуттар, оттон кабиналарга ааннары иилбиттэр.

Бүлүү 2-с №-дээх оскуолатын дириэктэрэ Елена Николаева этэринэн, уолаттар туалеттарыгар кэтээн көрөр камералар 2019 с. үөрэнээччилэр икки ардыларыгар айдаарсыыны утарсар инниттэн туруоруллубут. Оччолорго кабина ааннара бүтүннэрэ. Ааннары оҕолор былырыын алдьаппыттар, оттон камера үлэлээбэтэҕэ хаһыс да сыла буолбут.