Бүлүүгэ «РИК Автодор» АУо салайааччылара икки үлэһит өлбүтүнэн буруйданнылар

Бүлүү оройуонун борокуратуурата дириэктэри солбуйааччыга, суол-эксплуатационнай учаастагын начаалынньыгар уонна «РИК Автодор» АУо тутуу, монтажтыыр үлэлэр маастарыгар сыһыаннаан судаарыстыбаннай буруйдааһыннарын өйөөтө. Кинилэр РФ ХК 3 ч. 216 ыст. буруйданнылар.

Суут быһаарыытынан, дириэктэр эбээһинэһин толорооччу ити кэмҥэ дириэктэри солбуйааччынан үлэлии сылдьан, сөптөөх тэхиниичэскэй докумуона уонна эрэбилэ суох оҥоһуулаах паровой установканы туһаныыга көҥүл биэрбит.

Оттон суол-эксплуатационнай учаастагын начаалынньыга уонна тутуу, монтаж үлэтин маастара «Бүлүү» федеральнай суол учаастагар мууһу уонна хаар уутун ыраастааһыҥҥа оробуочайдары үлэ миэстэтигэр таһаарбыттар, үрдүк кутталлаах тэрили көрбөккө эрэ туһаныыга туттарбыттар.

Үлэ кэмигэр, 2024 сыл муус устар ыйыгар, итии паар сабыдыалыттан паровой установка эстибит, ол түмүгэр икки суол оробуочайа суорума суолламмыт.

Суут судаарыстыбаннай буруйдааччы этиитин учуоттаан, дириэктэри 4 сылга көҥүлүн быһарга, суол-эксплуатационнай учаастагын начаалынньыгын 3 сылга көҥүлүн быһарга, тутуу уонна монтажтыыр үлэлэр маастарын 2 сылга көҥүлүн быһарга уураахтаата. Суут бириигэбэрэ сокуоннай күүһүгэр киирэ илик. Бу туһунан СӨ Борокуратууратын пресс-сулууспата суруйар.