Хаартыска: ТАСС.
2024 сыллаахха Мииринэй оройуонугар Бүлүү өрүс кытылыгар археологическай хаһыылар ыытыллыбыттара. Ол түмүгүнэн, бу сиргэ эрдэтээҥҥи неолит саҕана (7-8 тыһыынча сыллааҕыта) дьон олорбута билиннэ. Бу туһунан ТАСС суруйар.
РАН хотугу салаатын Археологияҕа, этнографияҕа институтун Дьокуускайдааҕы Уһук Хоту археологиятын кэлим лабораториятын научнай үлэһитэ Виктор Дьяконов түөрт сиргэ хаһыы барбытын иһитиннэрдэ.
Улахан-Ботуобуйа-2 диэн эбийиэккэ икки култуура араҥата көһүннэ, ол иһигэр палеолит саҕанааҕы (2,6 мөлүйүөн-10-12 тыһыынча сыллааҕыта) булумньу эмиэ баар. Ол эбэтэр, Бүлүү эҥээр түҥ былыргыттан дьон олорбут. Чуолкай саастарын эбии анаалыс оҥорон, чинчийиэхтэрэ.
Археолог этэринэн, Бүлүүгэ үксүн неолит саҕанааҕы култуура көстөр. Ол саҕанааҕы дьон сүрүннээн тайаҕы бултаһаллар эбит. Тайаҕы бултуур тэриллэрэ көстүбүттэр.
Хатыҥнаах-2 диэн эбийиэккэ араас кэмнээх артефактар көстүбүттэр. Манна эрдэтээҥҥи неолит култуурата толору көстөр. Туой иһит (керамика) үлтүркэйдэрин, дьон туһанар тэриллэрин булбуттар. Хатыҥнаахха ааспыт үйэ 70-80-с сылларыгар эмиэ хаһыылар ыытылла сылдьыбыттара.
Маны тэҥэ, Куччугунуур, Хороонноох диэн сирдэргэ хаспыттар. 15 850 кв. м иэннээх сири 0,5-5,5 миэтэрэ дириҥҥэ хаспыттар. Барыта 30 тыһыынчаттан тахса булумньу көстүбүт.
— Манна эрдэтээҥҥи неолит култуурата толору көстөр. Холобур, Сыалаах култуурата 7-6 тыһыынча сыллааҕыны көрдөрөр. Манна Саха сирин саамай былыргы керамиката булулунна. Маны тэҥэ, тааһы оҥорор мастарыскыайдар баалларын хастыбыт. Онно быһахтары, сүгэлэри, о.д.а. тааһы кыһар тэриллэри буллубут. Бу түөрт хаһыыга сэлии кэмин кыыллара эстибиттэрин кэннинээҕи 15 тыһыынча сыл иһинэн, дьон хайдах олорбутун билэр кыахтанныбыт, — диэн Виктор Дьяконов кэпсээтэ.
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…