ВИДЕО: Бүлүүгэ саҥа арт-эбийиэк баар буолла

Бүлүү куоракка саҥардыллыбыт Ийэ искибиэригэр Айаал Федоров-Just Ayaal  хамаандата “Ийэ остуола” арт-эбийиэги оҥордо.

Санатан эттэххэ, уопсастыбанньыктар Лидия Алексеева уонна Күннэй Буслаева Ил Дархан Гранын сүүйэн, улуус ыччатын уопсастыбаннай тэрилтэтин уонна куорат олохтоохторун кытары искибиэри өрөмүөннээн, кырааскалаан саҥардыбыттара.

Айаал Федоров аныгы арт-эбийиэгин Бүлүү Эбэ кытылыгар олохтуурга Бүлүү куорат мэрэ Ян Попов уонна “Киэргэ” ХЭО дириэктэрэ Александр Павлов көмөлөстүлэр.

Композицияны оҥорор кэмнэригэр куорат олохтоохторо дьиэ кэргэнинэн национальнай көстүүмнэринэн кэлэн хаартыскаҕа түспүттэрэ уонна баҕа санаа аккырыыккаларын оҥорон социальнай ситимнэринэн тарҕаппыттара.