Бүлүүгэ соруйан массыынаны алдьатыыга 22 саастаах уорбаланааччы тутулунна

ИДьМ дьуһуурунай чааһыгар эр киһи 150 тыһыынча солк. суумалаах хоромньуну таһааран, массыынатын алдьаппыттарын туһунан сайабылыанньа суруйбут.

Холуобунай ирдэбил үлэһиттэрэ суһал-ирдиир дьаһалларынан уорбаланааччыны туттулар. Буруйдаах 22 саастаах олохтоох киһи буолара биллибит.

Полиция быһаарбытынан, эр дьон икки ардыларыгар урут иирсээн тахсыбыт эбит. Биир кэмҥэ уорбаланааччы суол кытыытыгар иирсибит эр киһи массыынатын бэлиэтии көрбүт. Ол кэннэ маһынан массыына түннүктэрин үлтү сынньыбыт уонна сиэркилэтин алдьаппыт. Быһылаан тахсыбыт сириттэн куоппут.

ИДьМ отделын дознавателинэн холуобунай дьыала тэрилиннэ. Бу туһунан ИДьМ пресс-сулууспата суруйар.