Бүлүүгэ сүппүт киһини буллулар

Бүгүн, балаҕан ыйын 24 күнүгэр, Бүлүү улууһугар балаҕан ыйын 19 күнүгэр сүппүт киһини буллулар.

Ол курдук  40-ча саастаах эр киһи мас олордуутугар  Дьокуускайтан кэлбит. Кинилэр Лөкөчөөнтөн 30 км сиргэ үлэлээбиттэр. Эр киһи ойуурга күнүс барбыт уонна кэлбэтэх. Үлэһиттэр бэйэлэрэ көрдүү сатаабыттар да булбатахтара.

Нөҥүө күнүгэр СӨ Быыһыыр сулууспатын Үөһээ Бүлүүтээҕи көрдүүр-быыһыыр этэрээтин үс быыһааччыта тепловизордаах  көрдүү барбыттара.

«Бүгүн 12.30 ч. сүппүт  киһини сүппүт сириттэн 3 км сиргэ буллулар«,- диэн быыһыыр бөлөх ыстаарсайа  Иван Иванов иһитиннэрдэ.

Эр киһи мунан баран бу күннэргэ ойуур устун сылдьыбыт, Кэбээйи диэки бара сылдьыбыт.  Испиискэлээх буолан кутаа уматан иттибит.  Билигин эр киһини балыыһаҕа илтилэр.