Бүлүүгэ «Тукулаан рейсинг» диэн ураты күрэхтэһии буолла

Бүлүү улууһун Халбаакы сэлиэнньэтигэр массыыналар кумаҕынан айаннаан күрэхтэстилэр. Маннык хабааннаах күрэхтэһии Саха сиригэр бастакытын ыытылынна.

Айанньыттар Дьокуускайтан, Нам, Таатта, Бүлүү, Ньурба, Сунтаар улууһуттан кэлэн кытыннылар. Кумах куйаарын устун барыта 13 массыына илин-кэлин сүүрдэ.

Массыыналар үс түһүмэҕинэн күрэхтэстилэр: «GPS-ориентирование», «Синхронный спринт» уонна «Круговой заезд». Түмүккэ Ньурба хамаандата бастаан, «Сахатранснефтегазтан» 100 тыһыынча солкуобай суумалаах сэртипикээтинэн наҕараадаланна.

Бу туһунан «Олох суола» хаһыат иһитиннэрэр.