Бүлүүгэ түүҥҥү кулуупка сылдьан кыыс муннун тоһуппут

Бүлүү улууһун 27 саастаах олохтооҕо кыыс атын кыыс муннун тоһуппутун иһин холуобунай дьыала тэриллибит. Бу туһунан СӨ ИДьМ пресс-сулууспата иһитиннэрэр.

Эмсэҕэлээччи туһунан полицияҕа балыыһаттан иһитиннэрбиттэр. Холуобунай ирдэбил үлэһиттэрэ быһаарбыттарынан, кыыс муннун түүҥҥү кулуупка сылдьан тоһуппут. Кинини кулуупка кэлбит атын кыыс охсубут. Кыргыттар итирик туруктаах сылдьан айдаарсыбыттар. Этиһии кэмигэр анараа кыыс биир кыыһы сирэйгэ охсубут уонна саспыт.

Полиция дааннайдарынан, уорбаланааччы кыыс уоруу иһин эрдэ сууттана сылдьыбыт.

Киһи доруобуйатын эчэтиинэн холуобунай дьыала тэриллибит.