Хаартыска: "Zема" ыччат түмсүүтүн тиксэриитэ
Бүлүүгэ «ЗаНас!» ыччат дэсээнэ байыаннай дьайыы кыттыылаахтарын дьиэ кэргэттэригэр, ытык кырдьаҕастарга көмөлөстө.
«Патриот» ыччат киинин уонна «Zема» ыччат түмсүүтүн 50 көхтөөх кыттааччыта Бүлүүгэ тиийэн дьоҥҥо-сэргэҕэ көмөлөстүлэр. Ол курдук, Кыайыы 80 сылынан ытык кырдьаҕастарга, байыаннай дьайыы кыттыылаахтарын чугас дьонноругар уонна соҕотох олорор дьоҥҥо болҕомтолорун уурдулар.
Бырайыак «Ыччат уонна оҕолор» национальнай бырайыак иитинэн Росмолодежь өйөбүлүнэн олоххо киирэр.
—Байыаннай дьайыы кыттыылаахтарыгар көмөнү хомуйар кэммитигэр, биһиги кинилэр дьонноругар, бэтэрээннэргэ, соҕотох олорор дьоҥҥо, уустук балаһыанньалаахтарга көмөлөһөргө быһаарыммыппыт. Кинилэр биһиги өйөбүлбүтүгэр, болҕомтобутугар наадыйаллар. Ити курдук, көмөнү оҥорор ураты этэрээт — «Ыччат дэсээнин» тэрийэр туһунан санаа үөскээбитэ. Бу көҕүлээһин эрэ буолбатах, бу өйөбүлгэ наадыйар дьоҥҥо тирэх буолар, кыһамньы баарын көрдөрөр. Саха сирин ыччата — олоҕу үчүгэй өттүгэр уларытар күүс, — диэн бэлиэтиир «Патриот» ыччат киинин уопсастыбаннай түмсүүтүн сүрүннээччи Алгыстаан Софронов.
Эдэр ыччаттар тиэргэннэри хомуйбуттар, өрө тардыбыттар, бөҕү-сыыһы ыраастаабыттар, тиэйэн илдьибиттэр, дьиэлэргэ кирилиэстэри, күрүөнү-хаһааны өрөмүөннээбиттэр, оҕуруоттарыгар буордарын көбүппүттэр, хортуоппуйдарын олордон биэрбиттэр.
Маны таһынан, оскуола үөрэнээччилэрин, Бүлүүтээҕи педагогическай кэллиэс устудьуоннарын кытары көрсүбүттэр, үөрэхтэрин сырдаппыттар, олохтоохтору кытары оһуохайдаабыттар.
«Ыччат дэсээнэ» бырайыак СӨ ыччат дьыалатыгар уонна социальнай алтыһыытыгар министиэристибэтэ өйөөбүт эдэр ыччат көҕүлээһинэ буолар. Бырайыак иитинэн көһө сылдьан араас хабааннаах тэрээһиннэри ыыталлар, манна биэс уонтан саҕалаан 200 тиийэ көхтөөх ыччат кыттыыны ылар. Кинилэр улуустарга, нэһилиэнньэлээх пууннарга тиийэннэр олохтоохторго көмөлөһөллөр, кэнсиэр оҥороллор, ону таһынан оскуола үрдүкү кылааһын үөрэнээччилэригэр идэни таларга көмөлөөх, туһалаах тэрээһиннэри, көрсүһүүлэри тэрийэллэр.
2025 сылга өрөспүүбүлүкэ алта улууһугар сылдьар былааннаахтар. Горнайга, Бүлүүгэ сырыттылар, салгыы Үөһээ Бүлүүгэ, Хаҥаласка, Ньурбаҕа, Сунтаарга тиийэр соруктаахтар.
Сиһилии https://www.sakha.gov.ru/news/5486 манна киирэн көрүөххэ сөп.
СӨ Ил Дарханын уонна Бырабыыталыстыбатын пресс-сулууспата
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…
Саха сиринээҕи Суһал ыстаап анал байыаннай эпэрээссийэҕэ кыттааччылары наадалаах тэриллэринэн уонна тиэхиньикэнэн хааччыйыыга систиэмэлээх үлэтин…
Саҥа дьылга Соҕуруу федеральнай уонна Хотугу Кавказтааҕы уокуруктартан ураты Арассыыйа Европатааҕы чааһын үгүс сиригэр хаардыыр.…
Бу түбэлтэни Александр Аргунов аҕабыыт 1913 с. “Якутские Епархиальные Ведомости” сурунаал 17-с нүөмэригэр бэчээттэппит. 1908…
Тохсунньу 1 күнүттэн киин куоракка оптуобус төлөбүрэ 58 солкуобайга диэри үрдүүрүн туһунан киин куорат баһылыга…