Мария Васильева (СИА) хаартыската
Бүлүү куоратыгар кытылы тупсарыы үлэтэ 2024 с. муус устар ыйыттан саҕаланыа. Өрөспүүбүлүкэ баһылыга Айсен Николаев Бүлүү улууһугар сырыытыгар «Поющие пески» диэн ааттаммыт бырайыак олоххо киирэр бэлэмин бэрэбиэркэлээтэ.
«Бу бырайыак Бүтүн Арассыыйатааҕы бастыҥ бырайыактары көрүүгэ, Уһук Илин субъектарын ортотугар, тупсаҕай куорат эйгэтин тэрийиигэ бастаан 150 мөл. солк. кэриҥнээх граны ылбыта. Бырайыак олоххо киирдэҕинэ, кытыл биллэрдик тупсуо, олохтоохтор сынньаналларыгар уонна күүлэйдииллэригэр өссө биир тупсаҕай сир баар буолуо. Бу олус улахан суолталаах, олорорго табыгастаах усулуобуйа өрөспүүбүлүкэ улуустарыгар да, куораттарыгар да тэриллиэхтээх», – диэн бэлиэтээтэ Айсен Николаев.
Айсен Николаев кытылы көрө сылдьан, Бүлүү куоратын баһылыгар Ян Поповка тутуу хаачыстыбатын уонна бырайыак болдьоҕор олоххо киирэрин хонтуруоллууругар соруйда. Ону таһынан Ил Дархан куорат маастар-былаанын оҥорууну түргэтэргэ соруда.
Бүлүү куоратын тупсарыы бырайыага куорат былыргы, төрүттэммит өттүттэн саҕаланыаҕа. Манна былыргы Оленск куорат ураты бэлиэтэ кутуллубут (куорат бастакы аата) уонна историческай казак нэһилиэстибэтин элеменнэрэ.
«Бырайыак быһыытынан суох буолбут таҥара дьиэтэ арт-эбийиэк быһыытынан, тимир турбаларынан хомуллар-модульнай конструкциянан чөлүгэр түһэриллиэ. Бырайыагы куорат олохтоохторун уонна кырдьаҕастар ытык сүбэлэрин кытта дьүүллэһии түмүгүнэн, Никольскай таҥара дьиэтин сорҕотун хаттаан оҥорорго, оттон аҥарын өстүөкүлэ навигациятыгар көрдөрөргө этии киллэрбиттэрэ. Тыктаран көрдөрүүгэ олохтоохтор уонна ыалдьыттар таҥара дьиэтин көрүөхтэрэ», – диэн бырайыагы оҥорооччу Ил Дархаҥҥа кэпсээтэ.
Бүлүү куорат хас эмэ үйэлэр усталарыгар култууралар алтыһыыларын киининэн буолан, иккис аартыгар саха норуотун уратытын көрдөрүөхтэрэ. Ол курдук сэргэ быһыылаах көрөр башня баар буолуоҕа. Ону сэргэ башняҕа сырдатар конструкция оҥоһуллуо. Онан халлаан хараҥардаҕына сэргэттэн сэргэттэн халланы хайыһа сырдык сардаҥалар тыгыахтара. Өрүскэ түһүүгэ саха үгэһин быһыытынан, сиэри-туому тутуһарга, сири-дойдуну аһатарга аналлаах анал зона оҥоһуллуо. Итинтэн даҕаны атын Бүлүү куорат устуоруйатын кэпсиир араас тутуулар ыытыллыахтара, зоналар тэриллиэхтэрэ.
Үөһээ Бүлүү улууһугар 2025 сылга байыаннай дьайыы кыттыылаахтарыгар уонна кинилэр дьиэ кэргэттэригэр көмө оҥоруу бүттүүн…
Ньурба улууһун Чуукаар сэлиэнньэтигэр сүппүт 1955 с.т. дьахтары быыһааччылар уонна олохтоохтор көрдүүллэр, диэн Саха сиринээҕи…
В. П. Ларионов аатынан физика-тиэхиньикэ лиссиэйин саха тылын, литэрэтиирэтин учуутала, СӨ үөрэҕин туйгуна, “Саха тылын, литэрэтиирэтин бастыҥ…
Тохсунньу 17-18 күннэригэр Дьокуускайга «Триумф» успуорт уораҕайыгар чэпчэки атлетикаҕа Саха сирин кыһыҥҥы чөмпүйэнээтэ ыытыллыаҕа. Күрэхтэһии…
Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…