Бүлүүлүүр суол кытыытыгар хас да күн турбут массыына хаһаайката булулунна

Полиция үлэһиттэрэ Бүлүүлүүр суол кытыытыгар хас да күн турбут массыына хаһаайкатын буллулар.

Сорох дьон сабаҕалаабытынан, суоппар тэллэйдии тыаҕа барбыт уонна массыынатыгар төннүбэтэх.

Санаттахха, «Toyota Vitz» мааркалаах массыына нүөмэрин бэлиэтэ суох суол кытыытыгар турара көстүбүтэ. Онно хас да күн турбута биллэр. Полиция массыына хаһаайкатын көрдөөһүнүн саҕалаабыт.

«Көрдүүр тэрээһиннэр кэмигэр холуобунай ирдэбил үлэһиттэринэн массыына хаһаайката ким буолара быһаарылынна. Силиэстийэ быһаарбытынан, суоппар кыыс Дьокуускайтан улуус диэки айаннаан испит. Суолга массыынатын мотуора алдьаммыт, ол иһин дьахтар массыынатын суол кытыытыгар хаалларарга күһэллибит», — диэн ИДЬМ суоууспатын ТГ-ханаала иһитиннэрэр.