Хаартыска: Экология министиэристибэтин архыыбыттан.
Бу күннэргэ Дьокуускай куорат Бүлүүлүүр суолун 25 килэмиэтиригэр сир астааччылар эһэ суолун көрбүттэрин туһунан сурах социальнай ситимнэринэн тарҕанна.
Билигин тыаҕа сир аһа ситэн-хотон, куорат олохтоохторо чугастааҕы сирдэри тилийэ кэрийэллэр. Былырыын баччаларга эмиэ маннык сурах тараҕана сылдьыбыта, ол эрээри оруна суоҕа биллибитэ.
Кэнники сылларга адьырҕа кыыл мэнээктээбит, нэһилиэктэргэ киирэр кэмигэр киһи дьиксинэр. Ол иһин бу төһө оруннаах сурах буоларын СӨ Экологияҕа, айылҕаны туһаныыга уонна ойуур хаһаайыстыбатыттан министиэристибэтин исписэлиистэриттэн ыйыталастыбыт.
Бүгүҥҥү күҥҥэ диэри СӨ Экологияҕа, айылҕаны туһаныыга уонна ойуур хаһаайыстыбатыттан министиэристибэтин исписэлиистэрэ Дьокуускай куорат Бүлүүлүүр суолугар эһэни көрсүбүттэрин, атаҕын суолун көрбүттэрин туһунан официальнай иһитиннэрии киирэ илик диэтилэр.
Ол эрээри сэрэхтээх буолуу – куттал суох буолуутун мэктиэтэ буолар. Арай, эмискэ эһэни көрсө түстэхтэринэ диэн сүбэлэри биэрдилэр.
Бастатан туран, чугаһаамаҥ – эһэлэр бэйэлэригэр куттал суоһаабат буоллаҕына, бастакынан саба түспэттэр.
Иккиһинэн, куотумаҥ – кыыл кэннигититтэн эккирэтиэн сөп.
Үсүһүнэн, кыратык саҥарыҥ, кэннигитинэн эргиллибэккэ, бытааннык чугуруйан тэйиҥ.
Төрдүһүнэн, тыаҕа сылдьан баран ас тобоҕун хаалларымаҥ – кыыл ас сытыгар кэлэр.
Бэсиһинэн, куттанарын курдук, улахан тыаһы-ууһу таһаарар тэриллэри (свистогу, биэрэстээх ыстарар баллону, о.д.а.) туттуҥ.
Ойуур, айылҕа кыыллар олорор, төрүүр-үөскүүр сирдэрэ, онон кинилэр хаһан баҕарар, ханна баҕарар көстүөхтэрин сөп.
Онон ыксаллаах түгэннэргэ тута ЕДДС-ка 112 нүөмэргэ, эбэтэр СӨ Экологияҕа министиэристибэтигэр биллэрэргитигэр көрдөһөллөр.
Үнүр солуоҥҥа тыҥырах оҥорторо тиийдим. Дьоҕус остуолга “Хаас оҥорторорбор гепатит, СПИД, сифилис уо. д. а. ыарыылар сыстыахтарын…
Бүгүн, атырдьах ыйын 30 күнүгэр, Дьокуускай куоракка Саха гимназиятыгар уопсастыбанньыктар, волонтердар, төрөппүттэр, үөрэнээччилэр кыттыылаах "Дьокуускай…
Өймөкөөн улууһун Сордоҥноох нэһилиэгин олохтоохторо Марта уонна Михаил Винокуровтар сайыҥҥы кэмҥэ оҕону үлэҕэ сыһыаран үлэ…
"Карат” диэн ыҥырыллар ааттаах, төрөөбүт Сахатын сиригэр “Е. Николаевна” диэн ытыктабыллаахтык ааттанар кэрэ аҥаар 2001 сылтан…
2025 сыл балаҕан ыйын 1 күнүттэн баантан эбэтэр микро-үп тэрилтэлэриттэн (МФО) ханнык эрэ табаары ыларга…
Полиция үлэһиттэрэ сокуоннай саастарын ситэ илик оҕолор көрүүтэ-истиитэ суох сылдьыыларын уонна буруйу оҥорууларын сэрэтэр систиэмэ…