Бүлүүтээҕи ГЭС сааскы халаан уутун ыытар

Ыам ыйын 19 күнүттэн күнүс 12.00 чаастан халаан уутуттан уу таһыма муҥутуур көрдөрүүгэ чугаһаабытынан,  Е.Н. Баттенчук аатынан Бүлүүтээҕи ГЭС исписэлиистэринэн Бүлүү водохранилищетыттан ууну  бырахтарыы саҕаланна.

Маннык быһаарыы  Уу ресурсаларын федеральнай ааҕыныстыбатын Өлүөнэ тардыытынааҕы уу управлениетынан ылыныллыбыт.

««Холостуойдук» ууну бырахтарыы – водохранилищеҕа туһаныллыбат мунньуллубут  ууну ыытыы, — диэн кэпсиир КВГЭС гидротэхиниичэскэй сыаҕын начаалынньыга Евгений Бычков. – Ити сыалга ууну бырахтарабыт. Маннык тэрээһиннэр водохранилищеҕа  халаан уутун кэмигэр уу таһыма үрдээн уонна КВГЭС гидротэхиниичэскэй тутууларыгар куттала суох буолууну хааччыйыыга туһуланаллар. Билигин былааннаммыт ууну бырахтарыы сөкүүндэҕэ 2300 куб.м. кэриҥэ буолар. Маннык үлэлэр Бүлүү өрүскэ уу таһымын үрдээһинигэр кутталы үөскэппэт. Салгыы тэрээһиннэр уу таһыммытан көрөн ыытыллахтара».