Хаартыска СӨ Баһылыгын уонна Бырабыыталыстыбатын пресс-сулууспатыттан
М.Н. Жирков аатынан Бүлүүтээҕи оҕо ускуустубатын оскуолатыгар муусука саҥа үнүстүрүмүөннэрин сүрэхтээтилэр. Үнүстүрүмүөннэри ылыы, дойду бэрэсидьиэнэ Владимир Путин көҕүлээбит, «Култуура» нацбырайыагын чэрчитинэн 5,8 мөл. солк. үбүлэммитэ.
Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрэр.
СӨ Култууратын министиэристибэтэ иһитиннэрбитинэн, оскуолаҕа Рубинштейн НР-200 рояль, икки Н. Рубинштейн пианино, труба, кларнет, 5-эрээттээх байаан, клавишалаах гусли, ксилофон, прима балалайка, ону таһынан интерактивнай панель уонна үөрэтэр босуобуйа кэллэ.
Бу тэрээһиҥҥэ Муусука Үрдүкү оскуолатын выпускниктара, Саха сирин филармониятын, Москва симфоническай оркестрын, Нуучча филармониятын, Опера уонна балет тыйаатырын артыыстара кытыннылар. Артыыстар преподавателлэргэ үөрэтэр маастар-кылаастары ыыттылар. Оскуола педагогтара этэллэринэн, муусука үнүстүрүмүөннэринэн хааччыллыы оҕону үөрэтии хаачыстыбатын үрдэтиэ.
Оҕо ускуустубатын оскуолата Бүлүү улууһугар тоҕус филиаллаах. Уопсайа бу оскуолаларга 598 оҕо үөрэнэр.
Барыта 79 киһи, ол иһигэр 56 преподаватель үлэлиир. 2021 с. Бүлүүтээҕи оҕо ускуустубатын оскуолата Муусука Үрдүкү оскуолатын биэс бастыҥ оскуолатыгар киирсэр.
Бүлүүтээҕи оҕо ускуустубатын оскуолата 1957 с. аһыллыбыта. Аан бастаан «фортепиано» уонна «байаан» кылаастара аһыллан үлэлээбиттэрэ. Аатырбыт композитор М.Н. Жирков аата Бүлүүтээҕи оҕо ускуустубатын оскуолатыгар 1992 с. иҥэриллибитэ.
Харбиҥҥа Арассыыйа-Кытай VIII Экспо чэрчитинэн, Саха Өрөспүүбүлүкэтин бырабыыталыстыбатын бэрэссэдээтэлин бастакы солбуйааччы Дьулустаан Борисов Beijing Jianlong…
Нам улууһун территориятыгар ыксаллаах быһыы-майгы эрэсиимэ биллэрилиннэ. Бу туһунан улуус дьаһалтатын пресс-сулууспата иһитиннэрдэ. Бүгүн, ыам…
Сааскы кустааһын сезона саҕаланыаҕыттан, хомойуох иһин, өрөспүүбүлүкэҕэ киһи өлүүлээх хас да түбэлтэ таҕыста. СӨ…
Саха сирэ Кытай Норуодунай Өрөспүүбүлүкэтин Цзянси провинциятын кытары доҕордуу сибээс туһунан Сөбүлэһии түһэристэ. Арассыыйа -…
«Азия оҕолоро» успуорт норуоттар икки ардыларынааҕы оонньууларыгар 116 эбийиэк туһаныллыаҕа. СӨ бырабыыталыстыбатын бэрэссэдээтэлин бастакы солбуйааччы…
Бу туһунан Саха Өрөспүүбүлүкэтин экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Анатолий Алексеев иһитиннэрдэ.…