Бүлүүттэн сылдьар киһи оҕо кэлээскэтин уорбут

Дьокуускайдааҕы полиция дьуһуурунай чааһыгар олохтоох дьахтар дьиэтин подъеһыттан оҕо кэлээскэтин уорбуттарын туһунан иһитиннэрбит. Хоромньу 16 тыһ.солк. тэҥнэспит диэн СӨ ИДьМ пресс-сулууспата иһитиннэрэр.

Холуобунай ирдэбил үлэһиттэрэ маныаха эрдэ уоруунан сууттана сылдьыбыт, Бүлүү улууһуттан сылдьар 54 саастаах киһи уорбаланарын быһаарбыттар.

Быһаарыллыбытынан, бу киһи элбэх кыбартыыралаах дьиэ подъеһыгар киирэн, оҕо кэлээскэтин уорбут. Өссө камераттан сирэйин кистээн, суорҕанынан бүрүммүт.

Уорбут малын 1000 солкуобайга атыылаабыт, харчытынан арыгы атыыласпыт.

Уоруунан холуобунай дьыала тэрилиннэ.